ജക്കാര്‍ത്ത : ഏഷ്യന്‍ ഗെയിംസ് ബാറ്റ്മിന്റണില്‍ പി.വി സിന്ധുവിന് വീണ്ടും ഫൈനല്‍ തോല്‍വി. ഇന്ത്യയുടെ തന്നെ സൈന നെഹ്വാളിനെ തോല്‍പ്പിച്ചെത്തിയ തായ് സു യിങ്ങായിരുന്നു ഫൈനലനില്‍ സിന്ധുവിന്റെ പരാജയപ്പെടുത്തിയത്. ഇന്ന് നടന്ന ഫൈനല്‍ മത്സരത്തില്‍ നേരിട്ടുള്ള ഗെയിമുകള്‍ക്കാണ് സിന്ധുവിന്റെ പരാജയം. ഭേദപ്പെട്ട പ്രകടനം രണ്ടാം ഗെയിമില്‍ സിന്ധു പുറത്തെടുത്തുവെങ്കിലും തായ്വാന്‍ താരത്തെ മറികടക്കുവാന്‍ സിന്ധുവിനായില്ല.21-13, 21-16 എന്ന സ്‌കോറിനായിരുന്നു തായിയുടെ വിജയം. ലോക ഒന്നാം നമ്പര്‍ താരമാണ് തായ് സു യിങ്ങ്.