ന്യൂഡല്ഹി: കേന്ദ്രസർക്കാർ അനുമതി ലഭിക്കാത്തതിനാൽ ഫ്രാന്സിസ് മാര്പാപ്പയുടെ ഇന്ത്യാ സന്ദര്ശനം വൈകുന്നു. ഇന്ത്യാ സന്ദര്ശനത്തിന് വത്തിക്കാന് തയ്യാറാണ് എന്നാല് അനുമതിയാണ് വൈകുന്നത്. ഇതുമൂലം ഈ മാസം അവസാനം മ്യാന്മറും ബംഗ്ലാദേശും സന്ദര്ശിക്കുന്ന പോപ്പ് ഇന്ത്യ സന്ദര്ശിക്കില്ല. ഇന്ത്യാ സന്ദര്ശിക്കുന്നതില് മാര്പാപ്പയ്ക്ക് സന്തോഷമേയുള്ളു. എന്നാല് അദ്ദേഹത്തെ ഔദ്യോഗികമായി ക്ഷണിക്കേണ്ടത് സര്ക്കാരാണ്.
കേന്ദ്രാനുമതി ലഭിക്കാത്തതാണ് മാര്പാപ്പയുടെ ഇന്ത്യാ സന്ദര്ശനം വൈകാന് കാരണമെന്ന് സി. ബി. സി. ഐ (കാത്തലിക് ബിഷപ് കോണ്ഫറന്സ് ഓഫ് ഇന്ത്യ) അധികൃതര് അറിയിച്ചു.പ്രധാനമന്ത്രിയുടെയും മറ്റു നേതാക്കന്മാരുടെയും ശ്രദ്ധയില്പ്പെടുത്തിയിട്ടുണ്ട്.സര്ക്കാര് ക്ഷണിക്കുമെന്നാണ് പ്രതീക്ഷയെന്നും സി. ബി. എസ്. ഐ വക്താവ് ഫാ. ജോസഫ് ചിന്നയ്യന് പറഞ്ഞു. നവംബര് 27 മുതല് ഡിസംബര് രണ്ടു വരെയാണ് മാര്പാപ്പയുടെ മ്യാന്മര്, ബംഗ്ലാദേശ് സന്ദര്ശനം.
