ഇന്ത്യയില് കൊറോണ വൈറസ് ബാധ സ്ഥിരീകരിച്ചതായി റിപ്പോര്ട്ട്. രാജസ്ഥാനിലാണ് ഒരാള്ക്ക് വൈറസ് ബാധ സ്ഥിരീകരിച്ചിരിക്കുന്നതായുള്ള റിപ്പോര്ട്ടുകള് പുറത്ത് വന്നത്. ചൈനയില് നിന്നും എം.ബി.ബി.എസ് കോഴ്സ് പൂര്ത്തിയാക്കി ജയ്പൂരിലെത്തിയ ഡോക്ടര്ക്കാണ് വൈറസ്ബാധ സ്ഥിരീകരിച്ചത്. വിദഗ്ധ ചികിത്സക്കായി ഇദ്ദേഹത്തെ ഐസൊലേഷന് വാര്ഡില് പ്രവേശിപ്പിച്ചതായി സംസ്ഥാന ആരോഗ്യമന്ത്രി രഘു ശര്മ പറഞ്ഞു.
അതേസമയം, കേരളവും അതീവ ജാഗ്രതയിലാണ്. സംസ്ഥാനത്ത് വിവിധ ജില്ലകളിലായി 288 പേര് ഇതിനോടകം തന്നെ നിരീക്ഷണത്തില് കഴിയുകയാണ്. വൈറസ് ബാധയുണ്ടോ എന്നറിയാന് 28 ദിവസത്തേക്കായിരിക്കും നിരീക്ഷിക്കുക. ചൈനയില് നിന്നും കണ്ണൂരില് മടങ്ങിയെത്തിയ 12 പേരെ ആരോഗ്യവകുപ്പ് നിരീക്ഷിക്കുന്നുണ്ട്. പേരാവൂര് സ്വദേശികളായ കുടുംബത്തിലെ അംഗങ്ങള് ഉള്പ്പെടെയുള്ളവരെയാണ് നിരീക്ഷിക്കുന്നത്.
മലപ്പുറത്തും കോഴിക്കോട്ടും 61 പേര് നിരീക്ഷണത്തിലും എട്ട് പേര് ഐസൊലേഷന് വാര്ഡിലുമുണ്ടെന്നാണ് റിപ്പോര്ട്ട്. വൈറസ് ബാധ പ്രതിരോധിക്കാന് എല്ലാ മുന്നൊരുക്കങ്ങളും നടത്തിയിട്ടുണ്ടെന്നും പേടിക്കേണ്ട സാഹചര്യമില്ലെന്നും ആരോഗ്യ മന്ത്രി കെ. കെ ശൈലജ അറിയിച്ചു.
