തിരുവനന്തപുരം: സദാചാര ഗുണ്ടായിസം അരങ്ങ് വാഴുമ്പോള് ആണിനും പെണ്ണിനും ഒരുമിച്ചു ഇരിക്കാന് പോലും സാധ്യമല്ലാത്ത സ്ഥലമായി കേരളം മാറിക്കഴിഞ്ഞു. ഒരു ഭാഗത്ത് മലയാളിയുടെ സാക്ഷരത, പ്രബുദ്ധത, സ്കാന്ഡിനേവിയന് രാജ്യങ്ങളുടെ ആരോഗ്യ നിലവാരം തുടങ്ങിയവയെക്കുറിച്ച് പറഞ്ഞ് നാം വാചാലരാകുന്നു. മറുഭാഗത്ത് തീവ്രവാദ സംഘടനകള് പിടിമുറുക്കിയ രാജ്യങ്ങളില് സംഭവിക്കുന്നതിനേക്കാള് നാണം കെട്ട സദാചാര പോലീസും പുരോഗമനാത്മകമായ നാടിനു ചേര്ന്നതല്ല ഇത്തരത്തിലെ പിന്നോട്ടുള്ള നടത്തം. ആണും പെണ്ണും ഒരുമിച്ചിരുന്നു സംസാരിക്കുമ്പോള് എന്ത് ആകാശമാണ് ഇടിഞ്ഞു വീഴാന് പോകുന്നത് ? എന്ന് പ്രതിപക്ഷ നേതാവ് രമേശ് ചെന്നിത്തല ഫേയ്സ് ബുക്ക് പേജില് ചോദിക്കുമ്പോള് നാണം കെട്ട കേരളത്തിലെ അവസ്ഥ കണ്ട് തലതാഴ്ത്താനേ പറ്റൂ.. ഭരണ തലവന്മാരൊക്കെ എന്തുകൊണ്ടാണ് ഇത്തരം അനീതികള്ക്കെതിരെ നടപടികള് കൈകൊള്ളാത്തത്?
അനീഷിന്റെയും ഒപ്പമുണ്ടായിരുന്ന യുവതിയുടെയും മൊബൈല് ഫോണുകള് പിടിച്ചുവാങ്ങിയ സംഘം അതിനുള്ളിലെ സിം കാര്ഡുകള് വെള്ളത്തിലെറിയുകയും ഇരുവരെയും അപമാനിക്കുന്ന തരത്തില് വീഡിയോ പകര്ത്തി സോഷ്യല് മീഡിയയില് കൂടി പ്രചരിപ്പിക്കുകയും ചെയ്ത ഗുണ്ടായിസം.
