തിരുവനന്തപുരം: കോണ്ഗ്രസ് ദേശീയ അധ്യക്ഷന് രാഹുല് ഗാന്ധിയുടെ ഇടത് പ്രശംസയില് ആശയകുഴപ്പമില്ല എന്ന് മുതിര്ന്ന കോണ്ഗ്രസ് നേതാവ് എ.കെ ആന്റണി. രാജ്യത്തിന്റെ ഭരണ മാറ്റത്തിനാണ് മത്സരമെന്നും അല്ലാതെ, സംസ്ഥാനത്തെ ഭരണമാറ്റത്തിനല്ലെന്നും എ.കെ.ആന്റണി പറഞ്ഞു. ആര്.എസ്എസ് ചെയ്തതൊന്നും ഇടതുപക്ഷം രാജ്യത്തോട് ചെയ്തിട്ടില്ലെന്നും ഭരണഘടനാ സ്ഥാപനം തകര്ക്കുകയാണ് ആര്.എസ്.എസ് ചെയ്തത്. എന്നാല് ഇടതുപക്ഷം അങ്ങനെ ചെയ്തിട്ടില്ലെന്നും രാഹുല്ഗാന്ധി പറഞ്ഞിരുന്നു.
ലോക്സഭാ തെരഞ്ഞെടുപ്പ് പ്രചരണാര്ത്ഥം കേരളത്തിലെത്തിയതായിരുന്നു രാഹുല്. തെരഞ്ഞെടുപ്പില് ദേശീയ തലത്തില് മത്സരം കോണ്ഗ്രസും ബി.ജെ.പിയും തമ്മിലാണെന്നും ശബരിമല വിഷയം ഗുണം ചെയ്യുക കോണ്ഗ്രസിഞാനെന്നും എ.കെ ആന്റണി പറഞ്ഞു. അതേപോലെതന്നെ, സി.പി.എമ്മിനെ കേരളത്തിലെ കോണ്ഗ്രസ് നേതാക്കള് വിമര്ശിക്കുമെന്നും കേരളത്തില് ബി.ജെ.പി അക്കൗണ്ട് തുറക്കില്ലെന്നും
സംസ്ഥാനത്താകെ രാഹുല് തരംഗമാണെന്നും 1977 സമാന സ്ഥിതിയാണ് ഇപ്പോള് നിലവിലുള്ളതെന്നും എ.കെ ആന്റണി കൂട്ടി ചേര്ത്തു.
കേരളം രാജ്യത്തിനാകെ മാതൃകയാണെന്നും സഹിഷ്ണുതയാണ് കേരളത്തിന്റെ പ്രത്യേകത എന്നും പ്രസംഗത്തില് രാഹുല്ഗാന്ധി പറഞ്ഞിരുന്നു. അതോടൊപ്പം തന്നെ തങ്ങള്ക്ക് ഇഷ്ടമില്ലാത്ത ആശയങ്ങളെയും ശബ്ദങ്ങളെയും അടിച്ചമര്ത്തുകയാണ് ആര്.എസ്.എസും ബി.ജെ.പിയെന്നും രാഹുല് പറഞ്ഞിരുന്നു.
ഏതെങ്കിലും ഒരു ആശയമോ ഒരു വ്യക്തിയോ ആണ് രാജ്യം ഭരിക്കേണ്ടതെന്ന് കോണ്ഗ്രസ് കരുതുന്നില്ലെന്നും അദ്ദേഹം പറഞ്ഞിരുന്നു.
