അഡീസ് അബാബ(എത്യോപ്യ): ആഫ്രിക്കന് രാജ്യമായ എത്യോപ്യയിലെ ഒരു നഗരത്തിൽ ഗായകൻ വെടിയേറ്റ് കൊല്ലപ്പെട്ടു. ദാദി ഗെലൻ എന്ന ഗായകനാണ് കൊല്ലപ്പെട്ടത്. ഒരു സ്ഥാപനത്തിന്റെ ഉദ്ഘാടന ചടങ്ങിൽ ഗാനം ആലപിക്കുന്നതിനിടെയാണ് സംഭവം.
ഉദ്ഘാടനച്ചടങ്ങിൽ ആഘോഷം അതിര്കടന്നതാണ് ഗായകൻ്റെ മരണത്തിന് ഇടയാക്കിയതെന്ന ആരോപണവും ഉയർന്നു. ആഘോഷത്തിന്റെ ഭാഗമായി അതിഥികള് ആകാശത്തേക്ക് നിറയൊഴിച്ചതായും അതിൽ ഒരു ബുള്ളറ്റാണ് ഗായകന്റെ ദേഹത്ത് പതിച്ചതെന്നും അന്തർദേശീയ മാധ്യമങ്ങൾ റിപ്പോർട്ട് ചെയ്തിട്ടുണ്ട്.
