നടന് സുരേഷ് ഗോപി അംഗമായ സ്വകാര്യ ട്രസ്റ്റ് നടത്തുന്ന ഗോശാലയിലെ പശുക്കളുടെ അവസ്ഥ പരിതാപകരം. മെലിഞ്ഞ് എല്ലും തോലുമായ പശുക്കളാണ് ഉള്ളത്. സംഭവത്തിനെതിരെ നടപടിയെടുത്ത് ദേവസ്വം മന്ത്രി കടകംപള്ളി സുരേന്ദ്രന്. പശുക്കളുടെ സംരക്ഷണത്തിന് ആവശ്യമായ നടപടിയെടുക്കാന് ജില്ലാ കലക്ടര്ക്ക് മന്ത്രി നിര്ദേശം നല്കി.
ഭക്ഷണവും ആവശ്യമായ പരിചരണവും ഇല്ലാതെ പശുക്കള് എല്ലും തോലുമായി മാറിയ അവസ്ഥയിലായിരുന്നെന്നും പശുക്കള്ക്ക് ആവശ്യമായ പുല്ലോ വൈക്കോലോ പോലും ലഭ്യമാക്കാറില്ലെന്നുമാണ് അന്വേഷണത്തില് മനസിലായതെന്നും മന്ത്രി പറഞ്ഞു.
പശുക്കളെല്ലാം അത്യാസന്ന നിലയിലാണ്. വിജയകൃഷ്ണനും സുരേഷ് ഗോപിയും സുരേഷ് കുമാറും ഉള്പ്പെടെ പ്രമുഖരായിട്ടുള്ള ഒരുപറ്റം സമ്പന്നന്മാരാണ് ഈ ട്രസ്റ്റിന്റെ ആളുകള് എന്നാണ് മനസിലാകുന്നത്. പശുക്കളെ സംരക്ഷിക്കാന് അവര്ക്ക് സാധിച്ചില്ല എന്നുണ്ടെങ്കില് കളക്ടറോട് പശുക്കളുടെ സംരക്ഷണം ഏറ്റെടുക്കാനും ക്ഷേത്രത്തില് ഏല്പ്പിക്കാനുമായിട്ടുള്ള നടപടികള് സര്ക്കാര് സ്വീകരിക്കുമെന്നും കടകംപള്ളി സുരേന്ദ്രന് പറഞ്ഞു.
