അ​മ്പൂ​രി രാ​ഖി വ​ധ​ക്കേ​സി​ൽ കാ​മു​ക​ൻ അ​ഖി​ൽ കു​റ്റം സ​മ്മ​തി​ച്ചു. മ​റ്റൊ​രു വി​വാ​ഹം ക​ഴി​ച്ചാ​ൽ സ്വ​സ്ഥ​മാ​യി ജീ​വി​ക്കാ​ൻ അ​നു​വ​ദി​ക്കി​ല്ലെ​ന്നും സ​മൂ​ഹ​മാ​ധ്യ​മ​ങ്ങ​ളി​ലൂ​ടെ അ​പ​മാ​നി​ക്കു​മെ​ന്നും വീ​ട്ടി​ൽ​വ​ന്ന് ആ​ത്മ​ഹ​ത്യ ചെ​യ്യു​മെ​ന്നും രാ​ഖി ഭീ​ഷ​ണി​പ്പെ​ടു​ത്തി​യ​താ​ണ് കൊ​ല​പാ​ത​ക​ത്തി​ലേ​ക്ക് ന​യി​ച്ച​തെ​ന്ന് അ​ഖി​ൽ അ​ന്വേ​ഷ​ണ​സം​ഘ​ത്തോ​ട് പ​റ​ഞ്ഞു. സൈ​നി​ക ഉ​ദ്യോ​ഗ​സ്ഥ​നാ​യ അ​ഖി​ലും രാ​ഖി​മോ​ളും ത​മ്മി​ൽ ആ​റു​വ​ർ​ഷ​മാ​യി പ്ര​ണ​യ​ത്തി​ലാ​യി​രു​ന്നു. എ​ന്നാ​ൽ, വി​വാ​ഹം ചെ​യ്യു​ന്ന​തി​നോ​ട് അ​ഖി​ലി​ന് താ​ൽ​പ​ര്യ​മു​ണ്ടാ​യി​രു​ന്നി​ല്ല.

രാ​ഖി​യു​ടെ നി​ർ​ബ​ന്ധ​ത്തെ​തു​ട​ർ​ന്ന് ഫെ​ബ്രു​വ​രി 15ന് ​എ​റ​ണാ​കു​ള​ത്തെ ക്ഷേ​ത്ര​ത്തി​ൽ വെച്ച് അ​ഖി​ൽ താ​ലി​കെ​ട്ടി. തു​ട​ർ​ന്ന് ഇ​രു​വ​രും വീ​ട്ടു​കാ​ര​റി​യാ​തെ ഭാ​ര്യാ​ഭ​ർ​ത്താ​ക്ക​ന്മാ​രെ​പ്പോ​ലെ ജീ​വി​ച്ചു. ഇ​ത​ര​മ​ത​വി​ശ്വാ​സി​യാ​യ രാ​ഖി​മോ​ളു​മാ​യു​ള്ള ബ​ന്ധം സ​ഹോ​ദ​ര​നും ആ​ർ.​എ​സ്.​എ​സ് പ്ര​വ​ർ​ത്ത​ക​നു​മാ​യ രാ​ഹു​ൽ എ​തി​ർ​ത്തു. മറ്റൊരു പെ​ൺ​കു​ട്ടി​യു​മാ​യി അ​ഖി​ലി​ന് വീ​ട്ടു​കാ​ർ വി​വാ​ഹം ഉ​റ​പ്പി​ക്കു​ക​യും ചെ​യ്തു.ഇതറി​ഞ്ഞ രാ​ഖി​മോ​ൾ, വി​വാ​ഹം ക​ഴി​ക്കാ​ൻ അ​നു​വ​ദി​ക്കി​ല്ലെ​ന്ന് ഭീ​ഷ​ണി​പ്പെ​ടു​ത്തി. ഇ​തോ​ടെ രാ​ഖി​യെ വ​ക​വ​രു​ത്താ​ൻ അ​ഖി​ലും രാ​ഹു​ലും സു​ഹൃ​ത്ത് ആ​ദ​ർ​ശും ചേ​ർ​ന്ന് ശ്ര​മം തു​ട​ങ്ങി.ജൂ​ൺ 21ന് ​വൈ​കീ​ട്ട് അ​വ​ധി​ക​ഴി​ഞ്ഞ് എ​റ​ണാ​കു​ള​ത്തെ ജോ​ലി​സ്ഥ​ല​ത്തേ​ക്ക് പോ​കു​ന്ന​തി​നി​ടെ താ​ൻ പു​തു​താ​യി പ​ണി​യു​ന്ന വീ​ട് കാ​ണി​ച്ചു​ത​രാ​മെ​ന്ന് പ​റ​ഞ്ഞാ​ണ് അ​ഖി​ൽ രാ​ഖി​മോ​ളെ കാ​റി​ൽ കൂ​ട്ടി​ക്കൊ​ണ്ടു​പോ​യ​ത്.

ഇടക്ക്​ രാ​ഹു​ലും മൂ​ന്നാം​പ്ര​തി ആ​ദ​ർ​ശും കാ​റിൻെറ പി​ൻ​സീ​റ്റി​ൽ ക​യ​റി. സ​ഹോ​ദ​ര​നെ സ​മാ​ധാ​ന​ത്തോ​ടെ ക​ല്യാ​ണം ക​ഴി​ച്ച് ജീ​വി​ക്കാ​ൻ സ​മ്മ​തി​ക്കി​ല്ലേ എ​ന്ന്​ ആ​ക്രോ​ശി​ച്ച്​ രാ​ഹു​ൽ രാ​ഖി​യു​ടെ ക​ഴു​ത്ത് ഞെ​രി​ച്ചു. രാഖി അ​ബോ​ധാ​വ​സ്ഥ​യി​ലാ​യ​പ്പോ​ൾ കാ​റിന്‍റെ പി​ൻ​സീ​റ്റി​ലെ​ത്തി​യ അ​ഖി​ൽ പ്ലാ​സ്​​റ്റി​ക്​​ക​യ​ർ​കൊ​ണ്ട്​ ക​ഴു​ത്തി​ൽ കു​രു​ക്കി​ട്ടു. അ​ഖി​ലും രാ​ഹു​ലും ചേ​ർ​ന്നാ​ണ് കു​രു​ക്ക് മു​റു​ക്കി രാ​ഖി​മോ​ളെ കൊ​ല​പ്പെ​ടു​ത്തി​യ​ത്. ശേഷം നേരത്തെ തയാറാക്കിയ കുഴിയിൽ മൃ​ത​ശ​രീ​രം കി​ട​ത്തി ഉ​പ്പു​വി​ത​റി​യ​ശേ​ഷം മ​ണ്ണി​ട്ടു​മൂ​ടിയെന്നും അഖിൽ സമ്മതിച്ചു.

ഇ​യാ​ളെ തി​ങ്ക​ളാ​ഴ്​​ച കോ​ട​തി​യി​ൽ ഹാ​ജ​രാ​ക്കും. ര​ണ്ടാം​പ്ര​തി രാ​ഹു​ലി​നെ 14 ദി​വ​സ​ത്തേ​ക്ക് റി​മാ​ൻ​ഡ് ചെ​യ്തു.അ​ഖി​ലിന്‍റെയും രാ​ഹു​ലിന്‍റെ​യും പി​താ​വ്​ മ​ണി​യ​ന്‍റെ പ​ങ്കും അ​ന്വേ​ഷി​ക്കു​ന്നു​ണ്ട്. കസ്​റ്റഡിയിൽ ​പോലീസ് മർദിച്ചെന്ന് രാഹുൽ മജിസ്ട്രേറ്റിന് മൊഴിനൽകി. ഇതോടെ ഒരിക്കൽകൂടി പ്രതിയുടെ വൈദ്യപരിശോധന നടത്തി റിപ്പോർട്ട് നൽകാൻ മജിസ്ട്രേറ്റ് ആവശ്യപ്പെട്ടു. രണ്ടാംവട്ടം പരിശോധന നടത്തിയ റിപ്പോർട്ട് സമർപ്പിച്ചതോടെ പ്രതിയെ റിമാൻഡ് ചെയ്ത് തൊഴുക്കൽ സബ് ജയിലിലേക്ക് മാറ്റി. ഞായറാഴ്​ച ഉച്ചക്ക് 12 മണിയോടെ നെയ്യാറ്റിൻകര ജില്ല ജനറൽ ആശുപത്രിയിൽ നടത്തിയ വൈദ്യപരിശോധനക്ക് ശേഷം ഫസ്​റ്റ്​ ക്ലാസ് ജുഡീഷ്യൽ കോടതി രണ്ടിലെ മജിസ്ട്രേറ്റ്​ എം. സതീശ​ന്‍റെ വീട്ടിലാണ് പ്രതിയെ ഹാജരാക്കിയത്.

തൃശൂരിൽ ഒളിവിൽ കഴിഞ്ഞ ശേഷം തിരുവനന്തപുരത്തേക്ക് വരുമ്പോഴാണ് ശനിയാഴ്ച രാഹുലിനെ അറസ്​റ്റ്​ ചെയ്തത്. ഇയാൾക്കുള്ള കസ്​റ്റഡി അപേക്ഷ തിങ്കളാഴ്​ച നൽകും.