ആലപ്പുഴയിലെ വൈറോളജി ഇൻസ്റ്റിറ്റ്യൂട്ടിൽ കൊറോണ വൈറസ് പരിശോധന നടത്താൻ പുണെ വൈറോളജി ഇൻസ്റ്റിറ്റ്യൂട്ടിന്റെയും ഐ.സി.എം.ആറിന്റെയും അനുമതി. ഇതുപ്രകാരം ഇവിടെ തിങ്കളാഴ്ച മുതൽ കൊറോണ വൈറസ് സാമ്പിൾ പരിശോധന ആരംഭിക്കും. ഇതുവരെ പുണെയിലായിരുന്നു പരിശോധന. ഇതോടെ ഫലം ലഭിക്കാനുള്ള കാലതാമസം ഒഴിവാകും.
ആലപ്പുഴയിലേക്ക് ഉപകരണങ്ങളും കിറ്റും കഴിഞ്ഞദിവസം എത്തിച്ചു. തുടർന്ന് അനുമതിക്കായി കേന്ദ്രത്തോട് അഭ്യർത്ഥിച്ചു. ഞായറാഴ്ചയാണ് അനുമതി ലഭിച്ചത്. നേരത്തെ നിപാ വൈറസ് പരിശോധനയും ഇവിടെ നടത്തിയിരുന്നു. എറണാകുളത്ത് നിപാ സംശയത്തിൽ ആശുപത്രിയിൽ പ്രവേശിപ്പിച്ച ആളുടെ ഫലം ആറുമണിക്കൂറിനുള്ളിൽ ആലപ്പുഴ ഇൻസ്റ്റിറ്റ്യൂട്ട് നൽകി.
