ബസില്‍ നിന്ന് ഛര്‍ദിക്കാനായി തല പുറത്തേക്കിട്ടു; മറികടന്ന വാഹനമിടിച്ച് യുവതിക്ക് ദാരുണാന്ത്യം

ബസ് യാത്രയ്ക്കിടെ ഛര്‍ദിക്കാനായി ജനലിലൂടെ തല പുറത്തേക്കിട്ട യുവതി ബസിനെ മറികടന്നെത്തിയ വാഹനമിടിച്ച് മരിച്ചു. ഔട്ടർ ഡൽഹിയിലെ നരേലയിലാണ് സംഭവം. ഹരിയാന റോഡ്‌വേയ്‌സ് ബസിൽ യാത്ര ചെയ്യവെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ഛര്‍ദിക്കാനായി തല പുറത്തേക്കിട്ടപ്പോഴാണ് അപകടമുണ്ടായത്. ബസിനെ മറികടന്ന് അമിത വേഗത്തിലെത്തിയ വാഹനം യുവതിയുടെ തലയില്‍ ഇടിക്കുകയായിരുന്നു.

Also Read

നവകേരള സദസ് നാടിനും ജനങ്ങൾക്കും വേണ്ടിയാണ്; കൃത്യമായ ദിശാബോധം ഉള്ളവരാണ് മലയാളികൾ: മുഖ്യമന്ത്രി

അത്താവറിലെ അപ്പാര്‍ട്ടുമെണ്ടില്‍ തീപിടുത്തം; ഒരു സ്ത്രീ മരിച്ചു, പിഞ്ചുകുഞ്ഞ് ഉള്‍പ്പെടെയുള്ളവര്‍ ആശുപത്രിയില്‍

രണ്ട് വാഹനങ്ങള്‍ക്കും ഇടയില്‍ യുവതിയുടെ തല ഞെരിഞ്ഞമര്‍ന്ന് പൂര്‍ണമായും തകര്‍ന്ന നിലയിലായിൽ ആയിരുന്നുവെന്ന് പോലീസ് പറഞ്ഞു. സംഭവത്തിന് പിന്നാലെ പ്രതികള്‍ വാഹനം നിര്‍ത്താതെ കടന്നുകളഞ്ഞു.

ഉത്തര്‍പ്രദേശിലെ പ്രതാപ് ഗഢില്‍ നിന്നിള്ള ബബ്ലി കുമാരി (20) യാണ് അതിദാരുണമായി മരണപ്പെട്ടത്. രക്ഷാബന്ധൻ ആഘോഷങ്ങൾക്കായി സഹോദരൻ സന്ദീപിനെ കാണാൻ ലുധിയാനയിലേക്ക് പോകുകയായിരുന്നു യുവതിയായ ബബ്ലി കുമാരി.

യുവതിയുടെ സഹോദരിയും ഭര്‍ത്താവും മൂന്ന് കുട്ടികള്‍ക്കും ഒപ്പമായിരുന്നു ഇവര്‍ ലുധിയാനയിലേക്ക് പോയത്. ഉച്ചയ്ക്ക് ഒരു മണിയോടെയാണ് സംഭവം നടന്നതെന്ന് പോലീസ് അറിയിച്ചു.

നരേലയിലെ ആശുപത്രി അധികൃതരാണ് പോലീസിനെ വിവരമറിയിച്ചത്. അപകടത്തെ കുറിച്ച് കൂടുതല്‍ വിവരങ്ങളൊന്നും ലഭിച്ചിട്ടില്ല. യാത്രക്കാരെല്ലാം നന്നായി ഭയന്നിരുന്നു. യുവതിയെ ഇടിച്ച ശേഷം നിര്‍ത്താതെ പോയ വാഹനം ഏതാണെന്ന് ഇതുവരെ തിരിച്ചറിഞ്ഞിട്ടില്ല. ബസോ ട്രക്കോ ആണെന്നാണ് സംശയിക്കുന്നത്.എന്നാൽ ഇതുവരെ ഉറപ്പിച്ചിട്ടില്ല. സ്ഥലത്തെ സി.സി.ടി.വികൾ പരിശോധിച്ച് വരികയാണെന്നെന്ന് പോലീസ് അറിയിച്ചു.