വയനാട്ടിൽ വ്യാജമദ്യം കഴിച്ച വില്ലേജ് ഓഫീസർ പൂസായി റോഡരികിൽ കിടന്നു; കേസെടുത്ത് ‌ പോലീസ്

മദ്യപിച്ച് റോഡരികിൽ വീണുകിടന്ന സർക്കാർ ഉദ്യോഗസ്ഥനെതിരെ പോലീസ് കേസെടുത്തു. വയനാട്ടില്‍ അഞ്ചുകുന്ന് വില്ലേജ് ഓഫീസർ എ.വി. ബാബുവിനെതിരെയാണ് ലോക് ഡൗൺ ലംഘിച്ചതിനും മോട്ടോർവാഹന നിയമപ്രകാരവും കമ്പളക്കാട് പോലീസ് കേസെടുത്തിരിക്കുന്നത്.

Also Read

രഞ്ജിത്തിനെതിരെ പോലീസില്‍ പരാതി നല്‍കി നടി ശ്രീലേഖ മിത്ര

കൊലക്കേസ് പ്രതിയായ നടൻ ദർശൻ തൂക്കുദീപക്ക് വി.ഐ.പി പരിഗണന; ഒൻപത് ജയിൽ ഉദ്യോഗസ്ഥർക്ക് സസ്പെൻഷൻ

പള്ളിക്കുന്ന് ഭാഗത്തുനിന്ന് കമ്പളക്കാട്ടേക്ക് കാറിൽവരുന്ന വഴിയാണ് ഇദ്ദേഹം റോഡിൽ വീണതെന്നും ഇയാൾ വ്യാജമദ്യം കഴിച്ചിരുന്നതായും പോലീസ് പറഞ്ഞു. വ്യാഴാഴ്ച വൈകുന്നേരം ആറുമണിയോടെയാണ് ബാബുവിനെ കമ്പളക്കാട് ഒന്നാംമൈലിൽ റോഡരികിലെ ചാലിൽ വീണനിലയിൽ നാട്ടുകാർ കണ്ടെത്തിയത്.

ഇദ്ദേഹത്തിന്‍റെ കാറും സമീപത്തുണ്ടായിരുന്നു. വിവരമറിയിച്ചതിനെത്തുടർന്ന് കമ്പളക്കാട് പോലീസെത്തി ബാബുവിനെ കല്പറ്റ ജനറൽ ആശുപത്രിയിൽ പ്രവേശിപ്പിച്ചു.