യുവാവിൻ്റെ വയറ്റില്‍ കാപ്സ്യൂള്‍ രൂപത്തില്‍ മുക്കാല്‍ കോടിയുടെ സ്വര്‍ണം; കരിപ്പൂരില്‍ രണ്ട് പേര്‍ പിടിയില്‍

മലപ്പുറം: അബുദാബിയില്‍ നിന്ന് കരിപ്പൂര്‍ വിമാനത്താവളം വഴി ഇന്ത്യയിലേക്ക് കടത്താന്‍ ശ്രമിച്ച 76 ലക്ഷം രൂപയുടെ സ്വര്‍ണം പോലീസ് പിടികൂടി. സ്വര്‍ണ്ണം കാപ്‌സ്യൂളുകള്‍ രൂപത്തിലാക്കി ശരീരത്തിനകത്ത് ഒളിപ്പിച്ച്‌ കടത്താൻ ശ്രമിച്ച സംഭവത്തിലാണ് യാത്രക്കാരനേയും സ്വര്‍ണം സ്വീകരിക്കാന്‍ എയര്‍പോര്‍ട്ടിൽ എത്തിയ കള്ളക്കടത്ത്‌ സംഘത്തിലെ ഒരാളെയും പോലീസ് അറസ്റ്റ് ചെയ്‌തത്.

Also Read

അരങ്ങത്ത് ആത്മഹത്യ ചെയ്‌ത കർഷകൻ; കവിതാ ആലാപനത്തിൽ ദേവിക വി.എസ് ഒന്നാമത്; മാപ്പിള പാട്ടിൽ സയന മീത്തൽ

മുക്കുപണ്ടം പണയം വെച്ച് ബാങ്കില്‍ നിന്നും പണം തട്ടി; വിദേശത്തേക്ക് കടന്ന യുവാവ് വിമാന താവളത്തില്‍ പിടിയില്‍

അബുദാബിയില്‍ നിന്ന് കരിപ്പൂര്‍ വിമാന താവളത്തിൽ എത്തിയ മലപ്പുറം വളാഞ്ചേരി സ്വദേശി ഷഫീഖ് (34) ആണ് 1,260 ഗ്രാം 24 ക്യാരറ്റ് സ്വര്‍ണ്ണം സഹിതം എയര്‍പോര്‍ട്ടിന് പുറത്തുവെച്ച്‌ പോലീസിൻ്റെ പിടിയിലായത്.

ഈ വര്‍ഷം കരിപ്പൂര്‍ വിമാന താവളത്തില്‍ നിന്ന് പോലീസ് പിടികൂടുന്ന 35-ാമത്തെ സ്വര്‍ണക്കടത്ത് കേസാണിത്.

സ്വര്‍ണ കള്ളക്കടത്ത് സംഘങ്ങളും സ്വര്‍ണ കവര്‍ച്ചാ സംഘങ്ങളും തമ്മിലുള്ള ഏറ്റുമുട്ടലില്‍ അഞ്ച് പേര്‍ മരിക്കാനിടയായ രാമനാട്ടുകര സംഭവത്തിന് ശേഷമാണ് കോഴിക്കോട് എയര്‍പോര്‍ട്ട് കേന്ദ്രീകരിച്ചുള്ള സ്വര്‍ണ്ണ കള്ളക്കടത്ത് സംഘങ്ങളെ അമര്‍ച്ച ചെയ്യാന്‍ പോലീസ് നടപടികള്‍ കൈക്കൊണ്ടത്.