മുതിർന്ന പൗരന്മാർക്കുള്ള ജില്ലാതല കലാമേള സംഘടിപ്പിച്ചു; ‘വന്ദ്യ ജനോത്സവം’

പെരിയ(കാസർഗോഡ്): സ്മാർട്ട് പെരിയയുടെ നേതൃത്വത്തിൽ മുതിർന്ന പൗരന്മാർക്കുള്ള ജില്ലാതല കലാമേള വന്ദ്യ ജനോത്സവം സംഘടിപ്പിച്ചു. പ്രശസ്ത എഴുത്തുകാരൻ എം.ടി.വാസുദേവൻ നായർ, മുൻ പ്രധാനമന്ത്രി മൻമോഹൻ സിംഗ്, സ്മാർട്ട് പെരിയാർ അംഗം ടി മണി എന്നിവരുടെ വേർപാടിൽ അനുശോചനം രേഖപ്പെടുത്തി. പെരിയ കമ്മ്യൂണിറ്റി ഹാളിൽ നടന്ന ചടങ്ങ് പ്രശസ്ത സാഹിത്യകാരി ഡോ: സരിത അഭിരാമം തിരുവനന്തപുരം ഉദ്ഘാടനം ചെയ്തു. സ്മാർട്ട് പെരിയ പ്രസിഡണ്ട് വി. കുമാരൻ അധ്യക്ഷത വഹിച്ചു. പി.കെ. കുമാരൻ നായർ, നിർമ്മൽ കുമാർ കാടകം, ഹെൽത്ത് ഇൻസ്പെക്ടർ അശോകൻ എന്നിവർ ആശംസകൾ നേർന്നു. ഗോപി ചാലിങ്കാൽ സ്വാഗതവും ഗൗരി നന്ദിയും പറഞ്ഞു. സിനിമാഗാനം, മാപ്പിള പാട്ട്, നാടകഗാനം, നാടോടി ഗാനം, കവിത, ദേശീയ ഗാനം, മോണോ ആക്ട്, പ്രസംഗം എന്നിവയിൽ നടന്ന മത്സരത്തിൽ നിരവധി വയോജനങ്ങൾ മത്സരിക്കാൻ എത്തിയിരുന്നു.

Also Read

നാഷണല്‍ ആയുഷ് മിഷന്‍ കാസർകോട് ജില്ലയില്‍ നടത്തുന്ന നിയമനം; ആയുര്‍വേദ ഫാര്‍മസിസ്റ്റ്; അപേക്ഷ ക്ഷണിച്ചു; കൂടുതൽ അറിയാം..

സ്‌പോര്‍ട്‌സ് സ്‌കൂള്‍, സ്‌പോര്‍ട്‌സ് കൗണ്‍സില്‍ സെലക്ഷന്‍ 19ന് നീലേശ്വരത്ത്; മറ്റു ദിവസങ്ങളിലെ സെലക്ഷനും കൂടുതൽ വിവരങ്ങളും അറിയാം..