ഏപ്രിൽ 1നുള്ളിൽ മാറ്റുക; ആപ്പിള്‍ ഐഫോണുകള്‍ ഉപയോഗിക്കരുതെന്ന് ഉദ്യോഗസ്ഥരോട് റഷ്യ; കാരണം അറിയാം

ആപ്പിള്‍ ഐഫോണുകള്‍ ഉപയോഗിക്കരുതെന്ന് ഉദ്യോഗസ്ഥരോട് പുടിന്‍ ഭരണകൂടം നിര്‍ദേശിച്ചു. പാശ്ചാത്യ ഇന്റലിജന്‍സ് സംഘടനകള്‍ ഈ ഫോണുകളിലൂടെ റഷ്യന്‍ രഹസ്യങ്ങള്‍ ചോര്‍ത്തിയേക്കാമെന്ന് പുടിന്‍ ഭരണകൂടം ആശങ്കപ്പെടുന്നു. ക്രെംലിന്‍ സംഘടിപ്പിച്ച പ്രദേശിക ഉദ്യോഗസ്ഥര്‍ക്കായുള്ള സെമിനാറില്‍ ഡെപ്യൂട്ടി ചീഫ് ഓഫ് സ്റ്റാഫ് സെര്‍ജി കിരിയെങ്കോയാണ് നിര്‍ദേശം നല്‍കിയത്.

Also Read

യുദ്ധത്തിൽ പോരാടാൻ പീരങ്കി ഷെല്ലുകളും ആയുധങ്ങളും നൽകി; പകരമായി ലഭിച്ചത് 24 കുതിരകൾ; ഉത്തര കൊറിയൻ തലവനായ കിം ജോങ് ഉന്നിന് ലഭിച്ച സമ്മാന വിശേഷം ലോകം അറിയുമ്പോൾ..

ആദ്യസഹായം മൂന്ന് കോടി നൽകും; തകർന്ന എൽ.പി സ്‌കൂളിൻ്റെ പുനരുദ്ധാരണം ഏറ്റെടുക്കും; വയനാട് ദുരന്ത മേഖല സന്ദർശിച്ച് ലെഫ്റ്റനന്റ് കേണല്‍ മോഹന്‍ലാല്‍

ഏപ്രില്‍ ഒന്നിനകം ഐഫോണ്‍ ഉപയോഗിക്കുന്നവര്‍ അത് മാറ്റണമെന്ന് കിരിയെങ്കോ നിര്‍ദേശിച്ചതായാണ് റിപ്പോര്‍ട്ടുകള്‍. മാര്‍ച്ചില്‍ തന്നെ എല്ലാവരും ഐഫോണ്‍ വലിച്ചെറിയണമെന്നാണ് നിര്‍ദേശമെന്ന് യോഗത്തില്‍ സംബന്ധിച്ച ഉദ്യോഗസ്ഥരിലൊരാള്‍ വെളിപ്പെടുത്തി. ഐഫോണിന് പകരം ഉപയോഗിക്കേണ്ട ഫോണ്‍ ക്രെംലിന്‍ ലഭ്യമാക്കും.

വാര്‍ത്ത സ്ഥിരീകരിക്കാന്‍ ക്രെംലിന്‍ വക്താവ് ദിമിത്രി പെസ്‌കോവ് തയാറായില്ല. സ്മാര്‍ട്ട്‌ഫോണുകള്‍ ഔദ്യോഗിക ആവശ്യത്തിനായി ഉപയോഗിക്കാന്‍ അനുവാദമില്ലെന്ന് അദ്ദേഹം പറഞ്ഞു. റഷ്യന്‍ പ്രസിഡന്റ് പുടിന്‍ സ്മാര്‍ട്ട് ഫോണുകളൊന്നും ഉപയോഗിക്കുന്നില്ല.