Categories
channelrb special education Kerala news

സ്‌കൂൾ വാഹനം രക്ഷിതാക്കൾക്ക് ട്രാക്ക് ചെയ്യാം, ‘വിദ്യാ വാഹൻ ആപ്പ്’; മാർ​ഗ നിർദേശവുമായി മോട്ടോർ വാഹനവകുപ്പ്, വീഡിയോ കാണാം

വിദ്യാ വാഹൻ ആപ്പ് ഡൗൺലോഡ് ചെയ്യുന്ന വിധം ഫേസ്ബുക്ക് കുറിപ്പിൽ പങ്കുവെച്ചു.

തിരുവനന്തപുരം: രണ്ടുമാസത്തെ വേനലവധിക്ക് ശേഷം സംസ്ഥാനത്ത് തിങ്കളാഴ്‌ച സ്‌കൂളുകൾ തുറക്കുകയാണ്. കുട്ടി സഞ്ചരിക്കുന്ന സ്‌കൂൾ വാഹനത്തിൻ്റെ വിവരങ്ങൾ അറിയുന്നതിനായി വിദ്യാ വാഹൻ ആപ്പ് ഡൗൺ ലോഡ് ചെയ്യാൻ മോട്ടോർ വാഹനവകുപ്പ് ഓർമ്മിപ്പിച്ചു.

ജി.പി.എസ് സംവിധാനം ഉപയോഗിച്ച് തൻ്റെ കുട്ടി സഞ്ചരിക്കുന്ന സ്‌കൂൾ വാഹനത്തിൻ്റെ വിവരങ്ങൾ രക്ഷിതാക്കൾക്ക് അറിയുന്നതിനായി മോട്ടോർ വാഹനവകുപ്പ് അവതരിപ്പിച്ച ആപ്പ് ആണ് ‘വിദ്യാ വാഹൻ’.

വിദ്യാ വാഹൻ ആപ്പ് ഡൗൺലോഡ് ചെയ്യുന്ന വിധം മോട്ടോർ വാഹനവകുപ്പ് ഫേസ്ബുക്ക് കുറിപ്പിൽ പങ്കുവെച്ചു.

  1. പ്ലേ സ്റ്റോറിൽ നിന്നും വിദ്യാ വാഹൻ ആപ് സൗജന്യമായി ഡൗൺ ചെയ്യാം. ഡൗൺ ലോഡ് ചെയ്‌ത്‌ ഇൻസ്റ്റാൾ ചെയ്യുന്നതിന് ഉള്ള ലിങ്ക് ചുവടെ കൊടുക്കുന്നു.
  2. റജിസ്റ്റർഡ് മൊബൈൽ നമ്പർ ഉപയോഗിച്ച് വിദ്യാ വാഹൻ ആപ്പിൽ ലോഗിൻ ചെയ്യാം.
  3. മൊബൈൽ നമ്പർ വിദ്യാ വാഹൻ ആപ്പിൽ റജിസ്റ്റർ ചെയ്‌ത്‌ തരേണ്ടത് വിദ്യാലയ അധികൃതർ ആണ്.
  4. ഒരു രക്ഷിതാവിന് ഒന്നിലധികം വാഹനവുമായി തൻ്റെ മൊബൈൽ നമ്പർ രജിസ്റ്റർ ചെയ്യണമെങ്കിൽ അത് വിദ്യാലയ അധികൃതർക്ക് ചെയ്‌ത്‌ തരാൻ സാധിക്കും.
  5. ആപ്പിൽ പ്രവേശിച്ചാൽ രക്ഷിതാവിൻ്റെ മൊബൈൽ നമ്പർ രജിസ്റ്റർ ചെയ്യപ്പെട്ട വാഹനങ്ങളുടെ ലിസ്റ്റ് കാണാം.
  6. locate ചെയ്യേണ്ട വാഹനത്തിൻ്റെ നേരെയുള്ള ബട്ടൺ അമർത്തിയാൽ രക്ഷിതാവിന് തൻ്റെ കുട്ടി സഞ്ചരിക്കുന്ന വാഹനം ഒരു മാപ്പിലൂടെ ട്രാക്ക് ചെയ്യാം.
  7. വാഹനം ഓടുകയാണോ എന്നും, വാഹനത്തിൻ്റെ location, എത്തിച്ചേരുന്ന സമയം എന്നിവ Mvd/സ്‌കൂൾ അധികാരികൾക്കും രക്ഷിതാവിനും കാണാം
  8. ആപ്പിലൂടെ തന്നെ വാഹനത്തിനുള്ളിലെ ഡ്രൈവർ, സഹായി, സ്‌കൂൾ അധികാരി എന്നിവരെ ഫോൺ മുഖാന്തിരം വിളിക്കാം.
  9. വാഹനം ഓടിക്കൊണ്ടിരിക്കുന്ന അവസ്ഥയിലാണെങ്കിൽ ഡ്രൈവറെ വിളിക്കാൻ സാധിക്കില്ല.
  10. കൃത്യമായ data കിട്ടുന്നില്ല എങ്കിൽ “Refresh” ബട്ടൺ അമർത്തുക.
  11. വിദ്യ വാഹൻ സംബന്ധിച്ച സംശയങ്ങൾക്ക് toll free നമ്പർ ആയ 1800 599 7099 എന്ന നമ്പറിൽ വിളിക്കാം.
  12. ആപ് ഇൻസ്റ്റാൾ ചെയ്‌ത്‌ റജിസ്റ്റർ ചെയ്യുന്നതിന് അതാത് സ്‌കൂൾ അധികാരികളെ ബന്ധപ്പെടുക.
  13. ഈ ആപ് സേവനം തികച്ചും സൗജന്യമാണ്. ഇതാണ് ലിങ്ക്: https://play.google.com/store/apps/details

കുറിപ്പ്: സ്‌കൂളുകൾ തുറക്കാറായി… രക്ഷിതാക്കൾക്കായി MVD അവതരിപ്പിക്കുന്നു “വിദ്യാ വാഹൻ” ആപ്. GPS സംവിധാനം ഉപയോഗിച്ച് തൻ്റെ കുട്ടി സഞ്ചരിക്കുന്ന സ്‌കൂൾ വാഹനത്തിൻ്റെ വിവരങ്ങൾ അറിയുന്നതിനാണ് ഈ ആപ്.

GPS സംവിധാനം ഉപയോഗിച്ച് തൻ്റെ കുട്ടി സഞ്ചരിക്കുന്ന സ്‌കൂൾ വാഹനത്തിൻ്റെ വിവരങ്ങൾ രക്ഷിതാക്കൾക്ക് അറിയുന്നതിനായി മോട്ടോർ വാഹനവകുപ്പ് അവതരിപ്പിച്ച ആപ്പ് ആണ് വിദ്യാ വാഹൻ.വിദ്യാ വാഹൻ ആപ്പ് ഡൗൺലോഡ് ചെയ്യുന്ന വിധം ഇങ്ങനെയാണ്.

വീഡിയോ കാണാം: https://www.facebook.com/watch/?v=1097836611295367

0Shares

Leave a Reply

Your email address will not be published. Required fields are marked *

The Latest