പരിസ്ഥിതി സംരക്ഷണത്തിനുതകുന്ന ചെറുവനങ്ങള്‍; പച്ചത്തുരുത്ത് നിര്‍മ്മിച്ച് പള്ളിക്കര ഗ്രാമ പഞ്ചായത്ത്

കാസർകോട്: കരിച്ചേരി ഗവ. യു.പി സ്‌കൂളില്‍ പച്ചത്തുരുത്ത് നിര്‍മ്മിച്ച് പള്ളിക്കര ഗ്രാമപഞ്ചായത്ത്. ഹരിത കേരളം മിഷൻ്റെ നേതൃത്വത്തിലാണ് കേരളപ്പിറവി ദിനത്തോടനുബന്ധിച്ച് പച്ചത്തുരുത്തൊരുക്കിയത്. പ്രദേശികമായി ലഭിക്കുന്ന തൈകള്‍ ഉപയോഗിച്ച് പരിസ്ഥിതി സംരക്ഷണത്തിനുതകുന്ന ചെറുവനങ്ങള്‍ നിര്‍മ്മിക്കുന്ന പദ്ധതിയാണ് പച്ചത്തുരുത്ത്.

Also Read

സാധാരണക്കാരെ മുന്‍നിര്‍ത്തിയുള്ള പ്രവര്‍ത്തനങ്ങള്‍ക്കാണ് സര്‍ക്കാരിൻ്റെ മുന്‍ഗണന; മന്ത്രി വി. ശിവന്‍ കുട്ടി; പള്ളിക്കര ജിഎച്ച്എസ്എസില്‍ മൂന്ന് കോടി രൂപയുടെ കെട്ടിടം ഉദ്ഘാടനം ചെയ്തു

തുടര്‍ച്ചയായ രണ്ടാം വര്‍ഷവും നെല്‍കൃഷിയില്‍ നൂറുമേനി കൊയ്ത് പള്ളിക്കര സര്‍വീസ് സഹകരണ ബാങ്ക്

കരിച്ചേരി സ്‌കൂളില്‍ 25 സെന്റ് സ്ഥലത്തായി നൂറിലധികം തൈകളാണ് നട്ടുപിടിപ്പിച്ചിട്ടുള്ളത്. പള്ളിക്കര ഗ്രാമപഞ്ചായത്ത് പ്രസിഡന്റ് എം.കുമാരന്‍ പദ്ധതിയുടെ ഉദ്ഘാടനം നിര്‍വഹിച്ചു. വൈസ് പ്രസിഡന്റ് നാസ്‌നിന്‍ വഹാബ് അദ്ധ്യക്ഷത വഹിച്ചു. ഹരിത കേരളം മിഷന്‍ ജില്ലാ കോ ഓര്‍ഡിനേറ്റര്‍ എം.പി. സുബ്രഹ്‌മണ്യന്‍ പദ്ധതി വിശദീകരണം നടത്തി.

പഞ്ചായത്ത് സ്ഥിരം സമിതി അധ്യക്ഷന്‍മാരായ വി. സൂരജ്, എ. മണികണ്ഠന്‍, കെ.വി ജയശ്രീ, പഞ്ചായത്തംഗങ്ങളായി ടി.വി. രാധിക, ലീനരാഘവന്‍, മുന്‍ പഞ്ചായത്ത് പ്രസിഡന്റ് എ. ബാലകൃഷ്ണന്‍, പ്രധാനാധ്യാപകന്‍ പി.പി. മനോജ്, ടി. മധുസൂദനന്‍, ഹരിത കേരളം റിസോഴ്‌സ് പേഴ്‌സണ്‍ അഭിരാജ് എ.പി എന്നിവര്‍ സംസാരിച്ചു.