പാലത്തായി പീഡന കേസിലെ പ്രതി പിടിയില്‍; ഒളിച്ചു കഴിഞ്ഞത് ബി.ജെ.പി പ്രവർത്തകൻ്റെ വീട്ടിൽ; കേസിൻ്റെ നാൾ വഴികൾ ഇങ്ങനെ

കണ്ണൂര്‍: പാലത്തായി പീഡന കേസിലെ പ്രതി പോലീസ് പിടിയില്‍. ബി.ജെ.പി നേതാവ്​ പത്മരാജനാണ്​ പിടിയിലായത്​. പാനൂര്‍ പൊയിലൂരിലെ ബി.ജെ.പി പ്രവർത്തകൻ്റെ വീട്ടിൽനിന്നുമാണ്​ ഇയാളെ ​തലശ്ശേരി ഡി.വൈ.എസ്.പിയും സംഘവും പിടികൂടിയത്​.

Also Read

‘ഒരു കല്ലടിക്കോടൻ സൗമ്യത’ പുസ്തകം പ്രകാശനം ചെയ്തു

മഞ്ചേശ്വരം കോഴക്കേസ്; വെളിവായത് ബി.ജെ.പി സി.പി.എം അന്തർധാര; കല്ലട്ര മാഹിൻ ഹാജി

പാലത്തായിയിലെ സ്​കൂളില്‍ അധ്യാപകന്‍ നാലാം ക്ലാസ്​ വിദ്യാര്‍ഥിനിയെ ശുചിമുറിയിൽ വച്ച് പീഡിപ്പിച്ചുവെന്നാണ്​ പരാതി. ബി.ജെ.പി അധ്യാപക സംഘടന നേതാവുകൂടിയാണ്​ പ്രതിയായ പത്മരാജന്‍. ഇയാളെ അറസ്​റ്റ്​ ചെയ്യാത്തതില്‍ വന്‍ പ്രതിഷേധം ഉയര്‍ന്നിരുന്നു.

കേസ്​ അന്വേഷിക്കാന്‍ പ്രത്യേക അന്വേഷണ സംഘം രൂപവത്​കരിച്ചിരുന്നു. തലശേരി ഡി.വൈ.എസ്​.പി കെ.വി. വേണുഗോപാലിൻ്റെ നേതൃത്വത്തില്‍ 11അംഗ സംഘത്തിനാണ്​ പോക്​സോ കേസ്​ അന്വേഷണ ചുമതല​. പ്രതി അതിർത്ഥി കടന്നിട്ടുണ്ടെന്ന സംശയവും പൊലീസിന് ഉണ്ടായിരുന്നു. ലോക്​ഡൗണ്‍ നിയന്ത്രണങ്ങള്‍ ഉള്ളതിനാല്‍ സംസ്​ഥാനത്തിന്​ പുറത്ത്​ തിരച്ചിൽ നടത്തുന്നതിന്​ തടസമുണ്ടെന്നും​ പൊലീസ്​ പറഞ്ഞിരുന്നു. അതിനാൽ തന്നെ പോലീസിന് മേൽ സമ്മർദ്ധം കൂടി.

പിണറായി സർക്കാർ ബിജെപി നേതാവിനെ അറസ്റ്റ് ചെയ്യാൻ മടികാണിക്കുന്നു എന്നും പ്രതിപക്ഷ സംഘടനകൾ കുറ്റപ്പെടുത്തി. ഇതോടെ സിപിഎം പൊലീസിന് എതിരെ രംഗത്ത വന്നു. പ്രതിയെ പിടികൂടിയില്ലങ്കിൽ പോലീസിനെതിരെ നടപടി കൈക്കൊള്ളുമെന്ന് മന്ത്രി കെ കെ ശൈലജയും കഴിഞ്ഞ ദിവസം പറഞ്ഞു. പ്രതി പെൺകുട്ടിയെ പീഡിപ്പിച്ചു എന്നത് പെൺകുട്ടിയുടെ സഹപാഠിയും വാർത്താ മാധ്യമത്തിലൂടെ വെളിപ്പെടുത്തയിരുന്നു. അതിനാൽ തന്നെ പോലീസ് ബിജെപി ബന്ധമുള്ള എല്ലാ കേന്ദ്രങ്ങളിലും തിരച്ചിൽ ഊർജ്ജിതമാക്കി. ഇതിനിടെയാണ് പൊയിലൂരിലെ ബി.ജെ.പി പ്രവർത്തകൻ്റെ വീട്ടിൽ ഒളിച്ചു താമസിച്ച​ പ്രതിയെ പിടികൂടിയത്​.

കഴിഞ്ഞ മാസം 17നാണ്​ കേസ്​ രജിസ്​റ്റര്‍ ചെയ്​തത്​. പരാതി നല്‍കി​ ഒരു മാസമായിട്ടും പ്രതിയെ അറസ്​റ്റ്​ ചെയ്യാന്‍ കഴിഞ്ഞി​ട്ടില്ലെന്ന്​ ചൂണ്ടിക്കാട്ടി വ്യാപക പ്രതിഷേധം ഉയർന്നിരുന്നു​. പൊലീസിന് എതിരെ സി.പി.എം നേതാവ് എം.വി ജയരാജനും രംഗത്ത് വരികയും ചെയ്തിരുന്നു.