കാസർകോട് ജില്ലാ പൊലീസ് മേധാവിയായി പി.ബിജോയ് ചുമതലയേറ്റു; മികവുറ്റ സേവനത്തിന് അംഗീകാരങ്ങൾ ലഭിച്ച ഉദ്യോഗസ്ഥൻ

കാസര്‍കോട്: ജില്ലാ പൊലീസ് മേധാവിയായി പി. ബിജോയ് ചുമതലയേറ്റു. സ്ഥലം മറിപ്പോകുന്ന എസ്.പി വൈഭവ് സക്‌സേന ബൊക്ക നല്‍കി ബിജോയിയെ സ്വീകരിച്ചു. 1996-ല്‍ മഞ്ചേശ്വരം എസ്.ഐ ആയും 2010-ല്‍ കാസര്‍കോട് ഡി.വൈ.എസ്.പിയായും ബിജോയ് സേവനമനുഷ്ടിച്ചിരുന്നു.

Also Read

നടി ആക്രമിക്കപ്പെട്ട കേസ്; ദൃശ്യങ്ങളുടെ മെമ്മറി കാർഡിലെ ഹാഷ് വാല്യു മാറിയതിൽ ഒരു മാസത്തിൽ അന്വേഷണ റിപ്പോർട്ട് നൽകാൻ ഹൈക്കോടതി

അരങ്ങത്ത് ആത്മഹത്യ ചെയ്‌ത കർഷകൻ; കവിതാ ആലാപനത്തിൽ ദേവിക ഒന്നാമത്; മാപ്പിള പാട്ടിൽ സയന മീത്തൽ

കോട്ടയം ഡി.വൈ.എസ്.പി, തിരുവനന്തപുരം സിറ്റി ഫോര്‍ട്ട് അസി. കമ്മീഷണര്‍, റൂറല്‍ ട്രാഫിക് എസ്.പി, സ്‌പെഷല്‍ ആംഡ് പൊലീസ് കമാണ്ടണ്ട്, എറണാകുളം വിജിലന്‍സ് സ്‌പെഷല്‍ സെല്‍ എസ്.പി, തിരുവനന്തപുരം റേഞ്ച് എസ്.പി, ട്രാവന്‍കൂര്‍ ദേവസ്വം ബോര്‍ഡ് സംസ്ഥാന വിജിലന്‍സ് ഓഫീസര്‍ എന്നീ ചുമതലകളും വഹിച്ചിട്ടുണ്ട്.

മികവുറ്റ സേവനത്തിന് 2015-ല്‍ മുഖ്യമന്ത്രിയുടെ പൊലീസ് മെഡലും 2018-ല്‍ രാഷ്ട്രപതിയുടെ മെഡലും ബിജോയിക്ക് ലഭിച്ചിരുന്നു. 2005-ല്‍ കൊസോവോയില്‍ ഡപ്യൂട്ടേഷനില്‍ ഐക്യരാഷ്ട്ര സംഘടനയുടെ ഉദ്യോഗസ്ഥനായി പീസ് കീപ്പിങ്ങ് ഫോഴ്‌സിൻ്റെ ചുമതലയും വഹിച്ചിരുന്നു.

തിരുവനന്തപുരം റേഞ്ച് സ്റ്റേറ്റ് സ്‌പെഷല്‍ ബ്രാഞ്ച് പൊലീസ് സൂപ്രണ്ടായി സേവനം അനുഷ്ടിക്കുന്നതിനിടെയാണ് കാസര്‍കോട് ജില്ലാ പൊലീസ് മേധാവിയായി നിയമനം ലഭിച്ചത്.
എറണാകുളം റൂറല്‍ പൊലീസ് മേധാവിയായാണ് ഡോ. വൈഭവ് സക്സേന കാസര്‍കോട് നിന്ന് പോകുന്നത്.