കുമ്പളയിലെ കൊലക്കേസ്; യുവാവ് അറസ്റ്റില്‍, പ്രതിയെ കല്ലുകൊണ്ട് തലക്കിടിച്ച് കൊലപ്പെടുത്തി എന്നാണ് കേസ്

കുമ്പള / കാസർകോട്: കുമ്പളയില്‍ കൊലക്കേസ് പ്രതിയെ കല്ലുകൊണ്ട് തലക്കിടിച്ച് കൊലപ്പെടുത്തിയ കേസില്‍ യുവാവ് അറസ്റ്റില്‍. കുമ്പള ശാന്തിപ്പള്ളം ലക്ഷംവീട് കോളനിയിലെ റഷീദ് എന്ന സമൂസ റഷീദി(42)നെ കൊലപ്പെടുത്തിയ കേസില്‍ അഭിലാഷ് എന്ന അബി (31)യെയാണ് കുമ്പള പൊലീസ് അറസ്റ്റ് ചെയ്‌തത്.

Also Read

കേരള ഗവര്‍ണര്‍ ഖാനെതിരെ സുപ്രീം കോടതി; എന്തെടുക്കുക ആയിരുന്നു ഇതുവരെ, ബില്ല് പിടിച്ചു വയ്ക്കാൻ അവകാശമില്ല

2017വരെ സ്ഥലം വാങ്ങിയവരുടെ ശ്രദ്ധയ്ക്ക്; സര്‍ക്കാരിലേക്ക് ഇനിയും പണം അടയ്‌ക്കേണ്ടി വരും, നോട്ടീസ് അയച്ചു തുടങ്ങി

ഞായറാഴ്‌ച രാത്രി 12 മണിയോടെ കുമ്പള കുണ്ടങ്കാരടുക്ക ഐ.എച്ച്.ആര്‍.ഡി. കോളേജിന് സമീപത്ത് വെച്ച് ഇരുവരും ലഹരി ഉപയോഗിക്കുകയും വാക്ക് തര്‍ക്കത്തിനിടെ അബി കരിങ്കല്ല് കൊണ്ട് റഷീദിൻ്റെ തലക്കിടിച്ച് കൊലപ്പെടുത്തി എന്നാണ് കേസ്.

മധൂര്‍ പട്‌ളയില്‍ താമസിച്ചിരുന്ന ഷാനവാസ് എന്ന ഷാനുവിനെ കൊലപ്പെടുത്തിയ കേസിലെ പ്രതിയാണ് കൊല്ലപ്പെട്ട റഷീദ്. പ്രതി അഭിലാഷ് പെര്‍വാഡില്‍ ഒരു വീട്ടില്‍ ഒളിച്ചിരിക്കുകയായിരുന്നു. ഇവിടെ വെച്ചാണ് കുമ്പള സ്റ്റേഷന്‍ ഹൗസ് ഓഫീസര്‍ ഇ.അനൂപ് കുമാര്‍, എസ്.ഐ വി.കെ അനീഷ് എന്നിവരുടെ നേതൃത്വത്തില്‍ പിടികൂടിയത്. കോടതിയിൽ ഹാജരാക്കിയ പ്രതിയെ റിമാണ്ട് ചെയ്‌തു.