പൂജപ്പുര സെന്‍ട്രല്‍ ജയിലില്‍ കിരണിൻ്റെ മേല്‍വിലാസം സി 5018; ജയിലിലെ ജോലിയില്‍ ഒരാഴ്ചയ്ക്കുശേഷം തീരുമാനം

വിസ്മയ കേസിലെ പ്രതി മുന്‍ അസി. മോട്ടോര്‍ വെഹിക്കിള്‍ ഇന്‍സ്പെക്ടര്‍ കിരണ്‍ കുമാറിനെ പൂജപ്പുര സെന്‍ട്രല്‍ ജയിലിലേക്കു മാറ്റി. പത്തുവര്‍ഷത്തെ തടവിന് ശിക്ഷിച്ചതിനെത്തുടര്‍ന്നാണ് സെന്‍ട്രല്‍ ജയിലിലേക്ക് എത്തിച്ചത്. കൊല്ലം ജില്ലാ ജയിലില്‍നിന്ന് ബുധനാഴ്ച രാവിലെ 11-നാണ് കിരണിനെ തിരുവനന്തപുരത്ത് എത്തിച്ചത്.

Also Read

മാതാവിനെ ബലാത്സംഗം ചെയ്ത മകന് മരണം വരെ തടവ് ശിക്ഷ വിധിച്ച് കോടതി

ഒരിക്കൽ ഒരുത്തൻ്റെ കൈ പിടിച്ച ഏൽപ്പിച്ചാൽ പിന്നെ അവൾ മകൾ അല്ലാതെ ആവുന്നുവുവോ ? ജുവൽ മേരി ചോദിക്കുന്നു

ശിക്ഷിക്കപ്പെട്ടതോടെ തടവുപുള്ളികള്‍ക്കുള്ള നമ്പരും വസ്ത്രവും നല്‍കി. സി 5018 ആണ് ഇനി കിരണിന്റെ ജയിലിലെ മേല്‍വിലാസം. ആരോഗ്യപരിശോധനകള്‍ക്കു ശേഷം ഇയാളെ നിരീക്ഷണ സെല്ലിലേക്കു മാറ്റി.

തടവുകാരനായതിനാല്‍ ജയിലില്‍ ജോലിചെയ്യേണ്ടി വരും. ഒരാഴ്ചയ്ക്കു ശേഷമാകും ഇതു സംബന്ധിച്ചു തീരുമാനമെടുക്കുക. നേരത്തേ വിചാരണ കാലയളവിലും കിരണ്‍ തിരുവനന്തപുരം സെന്‍ട്രല്‍ ജയിലില്‍ കഴിഞ്ഞിരുന്നു. സ്ത്രീധനത്തെച്ചൊല്ലിയുള്ള പീഡനം കാരണം ഭാര്യ വിസ്മയ ആത്മഹത്യചെയ്ത കേസിലാണ് കിരണ്‍കുമാറിനെ പത്തുവര്‍ഷത്തെ തടവിനു ശിക്ഷിച്ചത്.