വിദേശ മദ്യ കമ്പനികളുടെ കുത്തക തകർക്കാൻ മലബാർ ബ്രാണ്ടിയുമായി കേരളാ സർക്കാർ

കേരളത്തിലെ വിദേശ മദ്യ കമ്പനികളുടെ കുത്തക തകർക്കാൻ മലബാർ ബ്രാണ്ടിയുമായി സംസ്ഥാന സർക്കാർ. മലബാർ ഡിസ്റ്റിലറിയിൽ നിന്നും ഓണത്തിന് പുതിയ മദ്യം വിപണിയിലെത്തും. കൂടുതൽ ആവശ്യക്കാരുള്ള ബ്രാൻഡായ ജവാൻ റമ്മിന് പിന്നാലെയാണ് മലബാർ ബ്രാണ്ടി വിപണിയിലെത്തിക്കാൻ സർക്കാർ തീരുമാനം.

Also Read

കെ ഫോണിലും വന്‍ അഴിമതി; ഉപകരാര്‍ നല്‍കിയത് ചട്ടങ്ങള്‍ ലംഘിച്ച്, ഇന്ത്യയിലെ ആദ്യത്തെ ഭീരുവായ മുഖ്യമന്ത്രിയാണ് പിണറായി വിജയൻ: വി.ഡി സതീശന്‍

മൂന്ന് റോഡുകൾക്ക് 390 ലക്ഷം രൂപയുടെ ഭരണാനുമതി; കാസർകോട് മണ്ഡലത്തിൽ വികസന വിപ്ലവം

വിലകുറഞ്ഞ ബ്രാൻഡുകളുടെ ലഭ്യതക്കുറവ് കണക്കിലെടുത്ത് പുതിയ ബ്രാൻഡ് ഉത്പാദിപ്പിക്കാൻ നേരത്തേ തന്നെ സർക്കാർ തലത്തിൽ ആലോചനയുണ്ടായിരുന്നു. എന്നാൽ, കഴിഞ്ഞ ദിവസമാണ് ഇത് സംബന്ധിച്ച് അന്തിമ തീരുമാനം ഉണ്ടായത്.

മലബാർ ബ്രാണ്ടി പുറത്തിറക്കുന്നതിനായി ബോർഡിൻ്റെ അനുമതിയും ടെൻഡർ നടപടികളും പൂർത്തിയായിട്ടുണ്ട്. വിലകുറഞ്ഞ ബ്രാൻഡുകളുടെ ലഭ്യതക്കുറവ് പരിഗണിച്ചാണ് മലബാർ ബ്രാണ്ടി എത്തിക്കുന്നത്. വർഷങ്ങളായി പൂട്ടിക്കിടക്കുന്ന മലബാർ ഡിസ്റ്റിലറിയിൽ നിന്നാണ് മലബാർ ബ്രാണ്ടി എന്ന പേരിൽ മദ്യം ഉത്പ്പാദിപ്പിക്കുക.