ജയിലില്‍ കഴിയുന്ന നിരവധി ലഹരിക്കടത്ത് കേസുകളില്‍ പ്രതിക്കെതിരെ കാപ്പ ചുമത്തി; ഭൂരിഭാഗവും ലഹരിയുമായി ബന്ധപ്പെട്ട കേസുകൾ

കാസര്‍കോട്: കേസിൽ ഭൂരിഭാഗം ലഹരിക്കടത്ത് കേസുകളില്‍ പ്രതിയായ യുവാവിനെതിരെ വിദ്യാനഗര്‍ പൊലീസ് കാപ്പ ചുമത്തി. ചെങ്കള സ്വദേശിയും പൊവ്വല്‍ എല്‍.ബി.എസ് കോളേജിന് സമീപം ക്വാര്‍ട്ടേഴ്‌സില്‍ താമസക്കാരനുമായ അബ്ദുല്‍ മുനവ്വര്‍ എന്ന മുനവ്വര്‍ അലി (25)ക്കെതിരെയാണ് നടപടി.

Also Read

ചരിത്രത്തിൽ ചവുട്ടിനിന്ന ഗതകാല സമര പോരാട്ട സ്‌മരണകൾ സാക്ഷി; കാസർകോട് റവന്യു ജില്ലാ സ്‌കൂൾ കലോത്സവം നിയമസഭാ സ്‌പീക്കർ ഉദ്ഘാടനം ചെയ്‌തു

നടി ആക്രമിക്കപ്പെട്ട കേസ്; ദൃശ്യങ്ങളുടെ മെമ്മറി കാർഡിലെ ഹാഷ് വാല്യു മാറിയതിൽ ഒരു മാസത്തിൽ അന്വേഷണ റിപ്പോർട്ട് നൽകാൻ ഹൈക്കോടതി

എം.ഡി.എം.എയുമായി ബന്ധപ്പെട്ട കേസില്‍ ജയിലില്‍ കഴിയുന്ന മുനവ്വര്‍ അലിക്കെതിരെ വിദ്യാനഗര്‍ എസ്.ഐ പ്രശാന്തിൻ്റെ നേതൃത്വത്തിലാണ് കാപ്പ ചുമത്തിയുള്ള അറസ്റ്റ് രേഖപ്പെടുത്തിയത്.

ഈ യുവാവിനെതിരെ വിദ്യാനഗര്‍ സ്റ്റേഷനില്‍ ആറ് കേസുകളും കാസര്‍കോട് സ്റ്റേഷനില്‍ രണ്ട് കേസുകളും നിലവിലുണ്ടെന്ന് പൊലീസ് പറഞ്ഞു. അതില്‍ ഭൂരിഭാഗവും ലഹരിയുമായി ബന്ധപ്പെട്ട കേസുകളാണ്.

പുലിക്കുന്നില്‍ വെച്ചാണ് 12ഗ്രാം എം.ഡി.എം.എയുമായി മുനവ്വര്‍ അലിയെ കാസര്‍കോട് പൊലീസ് അറസ്റ്റ് ചെയ്‌തത്. ഈ കേസില്‍ റിമാണ്ടില്‍ കഴിയുകയായിരുന്നു. യുവാവിനെ കാറില്‍ തട്ടിക്കൊണ്ടു പോയി അക്രമിച്ചതിനും വിദ്യാനഗര്‍ പോലീസ് സ്റ്റേഷനില്‍ കേസുണ്ട്.