മുകൾ ഭാഗം പൂർണമായും കത്തി നശിച്ചിട്ടുണ്ട്.

കണ്ണൂർ: പയ്യന്നൂർ പുതിയബസ് സ്റ്റാന്റ് പരിസരത്തെ കെട്ടിടത്തിൽ വൻ തീപിടുത്തം. ഷോപ്രിക്‌സ് ഷോപ്പിംഗ് മാൾ പ്രവർത്തിക്കുന്ന കെട്ടിടത്തിലാണ് തീപിടുത്തമുണ്ടായത്. വെള്ളിയാഴ്ച്ച ഉച്ചയോടെയായിരുന്നു സംഭവം. മാളിലെ മൂന്നാം നിലയിൽ നിന്നും തീപടരുകയായിരുന്നു എന്നാണ് ദൃക്‌സാക്ഷികൾ പറഞ്ഞത്. ഉടൻ തന്നെ പയ്യന്നൂരിലെയും തൃക്കരിപ്പൂരിലേയും നാല് യൂണിറ്റ് ഫയർഫോഴ്സ് യൂണിറ്റുകള്‍ എത്തിയാണ് തീ നിയന്ത്രണവിധേയമാക്കിയത്.

Also Read

നീലേശ്വരം വെടിക്കെട്ട് അപകടം; പൊള്ളലേറ്റ് ചികിത്സയിലായിരുന്ന സന്ദീപ് മരണത്തിന് കീഴടങ്ങി

എ.ഡി.എം നവീന്‍ ബാബുവിൻ്റെ മരണവുമായി ബന്ധപ്പെട്ട് പി.പി ദിവ്യക്ക് കോടതി ജാമ്യം നൽകുമോ.? വാദം പൂര്‍ത്തിയായി..

സംഭവത്തില്‍ ആർക്കും പരിക്കില്ല എന്നാണ് റിപ്പോർട്ട്. കെട്ടിടത്തിലെ മുകൾ ഭാഗം പൂർണമായും കത്തി നശിച്ചിട്ടുണ്ട്. ലക്ഷങ്ങളുടെ നഷ്ടമാണ് കണക്കാക്കുന്നത്. ഷോർട് സർക്യൂട്ടാണ് തീപിടുത്തമുണ്ടാകാൻ കാരണമെന്നാണ് പ്രാഥമിക നിഗമനം. മാളിൽ നിന്ന് മുഴുവൻ ആളുകളെയും സമയബന്ധിതമായി ഒഴിപ്പിച്ചത് അപകടത്തിന്‍റെ വ്യാപ്തി കുറയാന്‍ കാരണമായി.