ഒരിക്കൽ ഒരുത്തൻ്റെ കൈ പിടിച്ച ഏൽപ്പിച്ചാൽ പിന്നെ അവൾ മകൾ അല്ലാതെ ആവുന്നുവുവോ ? ജുവൽ മേരി ചോദിക്കുന്നു

പെൺമക്കളെ പലരും അറവുമാടുകളെപ്പോലെയാണ് കാണുന്നതെന്നും ഒരടിയും നിസ്സാരവും നോർമലും അല്ലെന്നും നടി ജുവൽ മേരി. ഗാർഹിക പീഡനം ഒരു സാധാരണ പ്രശ്നമായി കാണുന്നത് അവസാനിപ്പിക്കണമെന്നും ജുവൽ മേരി വ്യക്തമാക്കി. ഭർത്തൃപീഡനത്തെ തുടർന്ന് ആത്മഹത്യ ചെയ്ത വിസ്മയയുടെ ശബ്ദ സന്ദേശം പുറത്തുവന്നതിന് പിന്നാലെ പ്രതികരിക്കുകയായികുന്നു താരം.

Also Read

ഇന്‍സ്റ്റഗ്രാമില്‍ മാരകായുധങ്ങളുമായി റീല്‍സ് ; യുവതിക്കായി തെരച്ചില്‍ ആരംഭിച്ച് പൊലീസ്

പൂജപ്പുര സെന്‍ട്രല്‍ ജയിലില്‍ കിരണിൻ്റെ മേല്‍വിലാസം സി 5018; ജയിലിലെ ജോലിയില്‍ ഒരാഴ്ചയ്ക്കുശേഷം തീരുമാനം

തൻ്റെ ഇൻസ്റ്റഗ്രാം പേജിലൂടെയാണ് ജുവൽ മേരിയുടെ പ്രതികരണം. സ്ത്രീകൾ ഇനിയെങ്കിലും ജീവിക്കാൻ പഠിക്കണമെന്നും ഒരിക്കൽ ഒരുത്തൻ്റെ കെ പിടിച്ചേൽപ്പിച്ചാൽ പിന്നെ അവൾ മകളല്ലാതാകുമോ എന്നും ജുവൽ മേരി ചോദിക്കുന്നു.

ജുവൽ മേരിയുടെ ഇൻസ്റ്റഗ്രാം കുറിപ്പ് വായിക്കാം

എനിക്ക് ഇനി ഇവിടെ നിക്കാൻ പറ്റത്തില്ല അച്ഛാ എന്നുള്ള ആ പെൺകുട്ടിയുടെ നിലവിളി ! ഇതാണ് മോളെ ജീവിതം ദേഷ്യം വരുമ്പോ ചെയ്യുന്നതല്ല , എല്ലാരും ഇങ്ങനെ ഒക്കെ ആണ് ! എന്ന് മുതലാണ് ഏത് പ്രായം മുതലാണ് നമ്മൾ നമ്മുടെ പെണ്മക്കളെ അറവു മാടുകളെ ആയി കാണാൻ തുടങ്ങുന്നത് ! ഈ കുഞ്ഞിനെ തന്നെ അല്ലെ അവളുടെ കുടുംബത്തിൽ ഒരുക്കിയും പഠിപ്പിച്ചും സ്നേഹിച്ചും വളർത്തി കൊണ്ട് വന്നത് ! ഒരിക്കൽ ഒരുത്തൻ്റെ കൈ പിടിച്ച ഏൽപ്പിച്ചാൽ പിന്നെ അവൾ മകൾ അല്ലാതെ ആവുന്നുവുവോ ?

ചെറിയ അടികൾ ഒക്കെ എല്ലായിടത്തും ഉണ്ട് അതൊക്കെ നോർമൽ ആണ് ഈ അടുത്ത എൻ്റെ കുടുംബത്തിൽ തന്നെ കേട്ട ഒരു വാദം ആണ് ഇത് ! ഒരു അടിയും നോർമൽ അല്ല ! പ്രിയപ്പെട്ട ഒരു സുഹൃത്ത് അടുത്ത ദിവസം അങ്ങേ അറ്റം വേദനയോടും വെപ്രാളത്തോടും വിളിച്ചു പറഞ്ഞു തൻ്റെ അസ്വസ്ഥ കണ്ടിട് ഭർത്താവ് നിർദേശിച്ച പരിഹാരം തലക്കും മുഖത്തും നാല് അടി കിട്ടുമ്പോ മാറിക്കോളും എന്ന് ! ഇതിനെക്കാളും ഭീകരമാണ് ഓരോ ദിവസവും അനുഭവിക്കുന്ന മാനസിക പീഡനം !

ഒരു കുറ്റപത്രം സമർപ്പിക്കുമ്പോൾ അതിൽ നമുക്ക് പറയാനാവുക എന്നെ ഈ വ്യക്തി നിരന്തരം മാനസികമായി പീഡിപ്പിച്ചു ആത്മഹത്യയുടെ വക്കിൽ എത്തിച്ചു ! എന്നാൽ ഒരാൾ അനുഭവിക്കുന്ന മാനസിക പീഡനത്തിൻ്റെ അളവ് നോക്കാൻ എന്ത് സ്‌കെയിൽ ആണ് നിയമത്തിൽ ഉള്ളത് ! മരിച്ചിട്ടു നീതി കിട്ടിയത് എന്ത് കാര്യം ! നിങ്ങളുടെ പെണ്മക്കളെ കൊല്ലാൻ വിടാതെ ! ജീവിക്കാൻ ഇനിയെങ്കിലിം പഠിക്കു പെണ്ണുങ്ങളെ ! പ്രിയപ്പെട്ട അച്ഛന്മാര്ക്ക് , ഒരടിയും നിസാരമല്ല ! നിങ്ങളുടെ പെണ്മക്കൾ ആണ് ! ജീവിതം അങ്ങനെ അല്ല ! Stop normalising domestic violence! Teach your children to stand up for themselves ! May her poor soul rest in peace.