പെരുന്നാൾ ദിനത്തിൽ ബേക്കലിൽ വൻ മയക്കുമരുന്ന് വേട്ട; അറസ്റ്റിലായ ദമ്പതികൾ ഉൾപ്പെടെ നാലുപേർ റിമാണ്ടിൽ

ബേക്കൽ / കാസർകോട്: മാരക മയക്കുമരുന്നായ എം.ഡി.എം.എയുമായി പെരുന്നാൾ ദിനത്തിൽ അറസ്റ്റിലായ ദമ്പതികൾ ഉൾപ്പെടെ നാലുപേർ റിമാണ്ടിൽ. ചട്ടഞ്ചാൽ തെക്കിൽ പുത്തരിയടുക്കത്തെ ദമ്പതികളായ അബൂബക്കർ (37), ആമിന അസ്ര (23), കർണാടക, ബംഗളുരു, കല്യാൺ സ്വദേശിയായ വാസിം (32), ബംഗളുരു, ഹെർമാലു സ്വദേശിയായ സൂരജ് (31) എന്നിവരെയാണ് ബേക്കൽ പോലീസ് പിടികൂടിഅറസ്റ്റ് ചെയ്‌തത്‌.

Also Read

സസ്നേഹം സഹപാഠിക്ക് മൊഗ്രാൽ സ്കൂൾ മാതൃക; മന്ത്രി വി അബ്ദുറഹിമാൻ, വീട് കൈമാറി

“പാങ്ങുള്ള ബജാര്‍ ചേലുള്ള ബജാര്‍” പ്രാഖ്യാപനത്തിനൊരുങ്ങി കാസര്‍കോട് നഗരസഭ; കച്ചവട സ്ഥാപനങ്ങളുടെ പുറത്ത് അലങ്കാര ചെടികള്‍ സ്ഥാപിച്ച് പരിപാലിക്കാന്‍ വ്യാപാരികൾ മുന്നോട്ട് വരണം

വിൽപ്പനയ്ക്ക് എത്തിച്ച എം.ഡി.എം.എയാണ് ബേക്കൽ ഡി.വൈ.എസ്.പി സി.കെ സുനികുമാറിൻ്റെ നിർദ്ദേശത്തെ തുടർന്ന് ഇൻസ്പെക്ടർ വിപിൻ യു.പി, എസ്.ഐ പ്രദീപ് പി.കെ എന്നിവരുടെ നേതൃത്വത്തിൽ ഉദുമ പള്ളത്ത് നിന്നും ശനിയാഴ്‌ച പിടികൂടിയത്. ജില്ലാ പോലീസ് മേധാവി ഡോക്ടർ വൈഭവ് സക്സേന ഐ.പി.എസിൻ്റെ നിർദ്ദേശത്തിൽ ജില്ലയിൽ വ്യാപകമായി മയക്കുമരുന്ന് വേട്ട ശക്തമാക്കിയിട്ടുണ്ടെന്ന് ഉന്നത പോലീസ് ഉദ്യോഗസ്ഥർ ചാനൽ ആർ.ബിയോട് പറഞ്ഞു.

സീനിയർ സിവിൽ പോലീസ് ഓഫീസർമാരായ സുധീർ ബാബു, സനീഷ് കുമാർ.എ സിവിൽ പോലീസ് ഓഫീസർമാരായ ഹരീഷ് ബി.എം, ഉണ്ണികൃഷ്ണൻ, നികേഷ് എന്നിവർ മയക്കുമരുന്ന് പിടികൂടിയ പരിശോധനയിൽ പങ്കെടുത്തു.

Published by: Peethambaran Kuttikol