കര്‍ഷകര്‍ രാജ്യത്തിന്‍റെ ജീവരക്തം; പ്രശ്‍നങ്ങൾ സർക്കാർ സമാധാനപരമായി പരിഹരിക്കുമെന്ന് പ്രതീക്ഷിക്കുന്നു; യുവരാജ്

കര്‍ഷകര്‍ രാജ്യത്തിന്‍റെ ജീവരക്തമാണെന്നും അവരുടെ പ്രശ്​നങ്ങൾ സർക്കാർ സമാധാനപരമായി പരിഹരിക്കുമെന്ന് പ്രതീക്ഷിക്കുന്നതായും മുൻ ഇന്ത്യൻ ക്രിക്കറ്റ്​ താരം യുവരാജ്​ സിങ്. തന്‍റെ ജന്മദിനത്തോട് അനുബന്ധിച്ച് സോഷ്യല്‍ മീഡിയയില്‍ പോസ്റ്റ് ചെയ്ത കുറിപ്പിലാണ് യുവരാജ് തന്‍റെ നിലപാട് വ്യക്തമാക്കിയത്.

Also Read

കാണാതായ ജോയിയുടെ മൃതദേഹം കണ്ടെത്തി

മാധ്യമങ്ങൾ കടുത്ത നിയന്ത്രണത്തിനും സെൻസർഷിപ്പിനും വിധേയമാകുന്നു; സംസ്ഥാനങ്ങൾക്ക് മേൽ അപ്രഖ്യാപിത സാമ്പത്തിക ഉപരോധം ഏർപ്പെടുത്തുന്നു: കേന്ദ്രസർക്കാരിനെതിരെ മുഖ്യമന്ത്രി

പിതാവ് യോഗ് രാജ് സിങ് നടത്തിയ പ്രസ്താവനയോടുള്ള തന്‍റെ വിയോജിപ്പും അദ്ദേഹം പ്രകടിപ്പിച്ചു.

”കർഷകരും സർക്കാരും തമ്മിലുള്ള സംഘർഷം വേഗത്തിൽ പരിഹരിക്കാൻ ഞാൻ പ്രാർത്ഥിക്കുന്നു. കർഷകർ നമ്മുടെ നാടിന്‍റെ ജീവരക്തമാണെന്നതിൽ തർക്കമില്ല. സമാധാനപരമായ ചർച്ചകളിലൂടെ പരിഹരിക്കാൻ സാധിക്കാത്തതായി ഒന്നുമില്ലെന്ന്​ ഞാൻ ഉറച്ചു വിശ്വസിക്കുന്നു.

ഒരു ഇന്ത്യക്കാരനെന്ന നിലയിൽ പിതാവ്​ യോഗേന്ദ്ര സിങ്ങിന്‍റെ പരാമർശത്തിൽ ഞാൻ ദുഖിതനാണ്​. അദ്ദേഹ​ത്തിന്‍റെ ആശയങ്ങളല്ല എനിക്കുള്ളതെന്ന്​ ഞാൻ വ്യക്തമാക്കുന്നു. എല്ലാവരും ഇനിയും അവസാനിക്കാത്ത കോവിഡ്​ മഹാമാരിക്കെതിരെ മുൻകരുതൽ എടുക്കണം” – യുവരാജ് കുറിച്ചു.

കർഷക സമരവേദിയിൽ വെച്ച്​ ​യുവരാജ്​ സിങ്ങിന്‍റെ പിതാവ്​ യോഗ്​രാജ്​ നടത്തിയ പ്രസംഗം ഹിന്ദു ജനവിഭാഗത്തെ അപമാനിക്കുന്നതും സ്​ത്രീ വിരുദ്ധമാണെന്നും വിവിധ കോണുകളിൽ നിന്നും വിമർശനമുയർന്ന സാഹചര്യത്തിലാണ്​ യുവരാജിന്‍റെ വിശദീകരണം.