ലെഗ്ഗിൻസ് ധരിച്ചു സ്‌കൂളിൽ വന്നതിന് പ്രധാനാധ്യാപിക മോശമായി പെരുമാറി; പരാതിയുമായി അധ്യാപിക

ലെഗ്ഗിൻസ് ധരിച്ചു വന്നതിന് പ്രധാനാധ്യാപിക മോശമായി പെരുമാറി എന്ന പരാതിയുമായി അധ്യാപിക. മലപ്പുറം എടപ്പറ്റ സി.കെ.എച്ച്എം സ്കൂളിലെ അധ്യാപിക സരിത രവീന്ദ്രനാഥ് ഡി.ഇ.ഒയെ സമീപിച്ചു.വകുപ്പിനോട് മറുപടി പറയാമെന്നായിരുന്നു പ്രധാനാധ്യാപിക റംലത്തിന്‍റെ പ്രതികരണം.

Also Read

വയനാട് ദുരന്തം കണക്കിലെടുത്ത് ആഘോഷം ലളിതമാക്കി; എം.പി ഇൻ്റർനാഷണൽ സ്കൂളിലെ സ്വാതന്ത്ര്യ ദിനം “തണൽ” പദ്ധതിയിലുടെ

പി.ബി.എം.ഇംഗ്ലീഷ് മീഡിയം ഹയർ സെക്കന്ററി സ്കൂളിൽ രാജ്യത്തിൻ്റെ 78 ആം സ്വാതന്ത്ര്യദിനം ആഘോഷിച്ചു

രാവിലെ സ്കൂളിലെത്തി ഹെഡ് മിസ്ട്രസിൻ്റെ റൂമിൽ ചെന്നപ്പോൾ ആണ് സംഭവം. ഏതോ ഒരു കുട്ടി യൂണിഫോം ധരിച്ചിരുന്നില്ല. അതിനെ ചൊല്ലിയുള്ള സംസാരം ആണ് ലെഗിൻസിൽ എത്തിയത്. കുട്ടികൾ യൂണിഫോം ധരിക്കാത്തത് താൻ ലെഗിൻസ് ധരിക്കുന്നത് കൊണ്ടാണ് എന്ന് ഹെഡ് മിസ്ട്രസ് പറഞ്ഞു എന്നാണ് ടീച്ചർ പറയുന്നത്. ചില പരാമര്‍ശങ്ങള്‍ കടുത്ത മാനസിക പ്രയാസമുണ്ടാക്കിയെന്ന് ടീച്ചറുടെ പരാതിയില്‍ പറയുന്നു.