കോഴിക്കോട് ഖാസിക്കെതിരെ പീഡന കേസ്; സയ്യിദ് മുഹമ്മദ് കോയ തങ്ങള്‍ ജമലുല്ലൈലിക്ക് എതിരെയാണ് യുവതിയുടെ പരാതി

കോഴിക്കോട്: കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലിക്കെതിരെ പീഡനപരാതി. കണ്ണൂര്‍ സ്വദേശിനിയാണ് പരാതി നല്‍കിയിരിക്കുന്നത്. സംഭവത്തില്‍ കോഴിക്കോട് വനിതാ സെല്‍ പൊലീസ് ഖാസിക്കെതിരെ കേസെടുത്തു. രണ്ടു വര്‍ഷം മുമ്പ് മലപ്പുറം പരപ്പനങ്ങാടിയില്‍ വച്ച്‌ തന്നെ പീഡിപ്പിച്ചുവെന്നാണ് കണ്ണൂര്‍ സ്വദേശിനി പൊലീസില്‍ പരാതി നല്‍കിയിരിക്കുന്നത്.

Also Read

നാഷണല്‍ ആയുഷ് മിഷന്‍ കാസർകോട് ജില്ലയില്‍ നടത്തുന്ന നിയമനം; ആയുര്‍വേദ ഫാര്‍മസിസ്റ്റ്; അപേക്ഷ ക്ഷണിച്ചു; കൂടുതൽ അറിയാം..

സ്‌പോര്‍ട്‌സ് സ്‌കൂള്‍, സ്‌പോര്‍ട്‌സ് കൗണ്‍സില്‍ സെലക്ഷന്‍ 19ന് നീലേശ്വരത്ത്; മറ്റു ദിവസങ്ങളിലെ സെലക്ഷനും കൂടുതൽ വിവരങ്ങളും അറിയാം..

ഐ.പി.സി. 376, 506 വകുപ്പുകള്‍ പ്രകാരം ബലാത്സംഗത്തിനും ഭീഷണിപ്പെടുത്തിയതിനുമാണ് ഖാസി സയ്യിദ് മുഹമ്മദ് കോയ തങ്ങള്‍ക്കെതിരായ കേസ് രജിസ്റ്റ‍ര്‍ ചെയ്തിട്ടുളളത്. യുവതിയും ഭ‍ര്‍ത്താവും തമ്മില്‍ ഉണ്ടായ പ്രശ്നങ്ങള്‍ പരിഹരിക്കുന്നതിന് വേണ്ടി നേരത്തെ ഖാസി ഇടപെട്ടിരുന്നു.

കുടുംബ പ്രശ്നങ്ങളില്‍ ഒത്ത് തീര്‍പ്പ് ശ്രമവും ഖാസിയുടെ നേതൃത്വത്തില്‍ നടത്തിയിരുന്നു. എന്നാലിത് ഫലം കണ്ടില്ല. പിന്നാലെ ഖാസിയുമായി യുവതി തെറ്റുകയും പരാതി നല്‍കുകയുമായിരുന്നുവെന്നാണ് ഖാസിയുമായി ബന്ധപ്പെട്ടവര്‍ വിഷയത്തില്‍ പ്രതികരിച്ചത്.