ഡോക്ടറുടെ കുറിപ്പടിയും എക്സൈസ് പാസുമുണ്ടെങ്കില്‍ മദ്യം ഇനി വീട്ടിലെത്തും; സര്‍വ്വീസ് ചാര്‍ജ് 100 രൂപ

ഡോക്ടറുടെ കുറിപ്പടി പ്രകാരം മദ്യം വീട്ടിലെത്തിച്ചു നല്‍കാന്‍ ബെവ്കോ.ഇത്തരത്തില്‍ ലഭിക്കുന്നതിന് നൂറ് രൂപ സര്‍വ്വീസ് ചാര്‍ജ്ജ് ഈടാക്കും. എക്സൈസ് പാസ് നല്‍കുന്നവര്‍ക്ക് ബെവ്കോ ഗോഡൗണില്‍ നിന്നാവും മദ്യം എത്തിക്കുക. എക്സൈസിന്‍റെ പാസുമായി എത്തുന്നവര്‍ക്ക് ബെവ്കോയുടെ എസ്. എല്‍ 9 ലൈസന്‍സുള്ള ഗോഡൗണില്‍ നിന്നായിരിക്കും മദ്യവിതരണം നടത്തുക.

Also Read

വറോവ ഡിസ്ട്രക്ടര്‍ എന്ന പാരസൈറ്റിൻ്റെ വ്യാപനം ; തേനീച്ചകള്‍ക്ക് ഓസ്‌ട്രേലിയയിൽ ലോക്ക്ഡൗണ്‍

നിയന്ത്രണങ്ങളിൽ ഇളവ് എന്നാൽ എവിടെയും കറങ്ങിനടക്കാമെന്നല്ല; മാധ്യമങ്ങൾ ‘ലോക്ക്ഡൗൺ അവസാനിച്ചു’ എന്ന് റിപ്പോർട്ട് ചെയ്യരുതെന്ന് ചൈന

സംസ്ഥാനത്തെ എല്ലാ ബിവറേജസ് ഔട്ട്‌ലെറ്റുകളിലേക്കും മദ്യമെത്തിക്കുന്ന ഗോഡൗണുകളില്‍ നിന്നാവും മദ്യം വിതരണം.നൂറ് രൂപയാണ് സര്‍വ്വീസ് ചാര്‍ജ്ജായി ഈടാക്കുക. ഗോഡൗണിലെ ഏറ്റവും വിലകുറഞ്ഞ മദ്യമായിരിക്കും നല്‍കുക. മൂന്നു ലിറ്റര്‍ വീതം ഒരാള്‍ക്ക് ഒരാഴ്ചത്തേക്ക് നല്‍കാനാണ് പാസ്. ലോക്ക്ഡൗണ്‍ കാലയളവില്‍ മാത്രമായിരിക്കും ഈ സംവിധാനം ഉണ്ടാവുക.

പ്രാഥമിക ആരോഗ്യ കേന്ദ്രങ്ങള്‍, കുടുംബാരോഗ്യ കേന്ദ്രങ്ങള്‍, മെഡിക്കല്‍ കോളേജുകള്‍, താലൂക്കാശുപത്രികള്‍ തുടങ്ങിയ സര്‍ക്കാര്‍ ആശുപത്രികളിലെ ഡോക്ടര്‍മാരുടെ കുറിപ്പടി നല്‍കുകയാണെങ്കില്‍ മാത്രമേ പാസ് അനുവദിക്കൂ.