കൊറോണ ഭീതിയിൽ ലോക രാഷ്ട്രങ്ങൾ; കോ​വി​ഡ്​​- 19 ഭീ​തിയെ തുടർന്ന് സൗ​ദിയിലേക്കുള്ള വി​മാ​ന സ​ര്‍വി​സു​ക​ളി​ൽ മാ​റ്റം; ഇതര രാജ്യങ്ങളിലുള്ള പൗരൻമാരെ തിരിച്ചുവിളിച്ച് കു​വൈ​ത്ത്

റി​യാ​ദ് / കു​വൈ​ത്ത്​ സി​റ്റി​: സൗ​ദിയിലേക്കുള്ള വി​മാ​ന സ​ര്‍വി​സു​ക​ളി​ല്‍ മാ​റ്റം. കൊവിഡ്-19 (കൊറോണ)​​ ഭീ​തി​യെ​തു​ട​ര്‍​ന്ന്​ പ​രി​​ശോ​ധ​ന​ക​ള്‍ ക്ര​മീ​ക​രി​ക്കാ​നാ​ണ്​ സ​ര്‍​വി​സ്​ സ​മ​യ​ങ്ങ​ളി​ല്‍ മാ​റ്റം വ​രു​ത്തിയിരിക്കുന്നത്.​ സ്വ​ദേ​ശ, വി​ദേ​ശ വി​മാ​ന​കബനി​ക​ളു​ടെ സ​ര്‍​വീ​സു​ക​ളി​ലും മാ​റ്റ​മുണ്ടെന്നാണ് വിവരം. യാ​ത്ര​ക്കാ​ര്‍ ടി​ക്ക​റ്റ് ബു​ക്ക് ചെ​യ്തി​ട​ങ്ങ​ളി​ലോ വി​മാ​ന കമ്പനികളുടെ ക​സ്​​റ്റ​മ​ര്‍ സ​ര്‍വി​സി​ലോ വി​ളി​ച്ച്‌ യാ​ത്രാ​സ​മ​യങ്ങളിലെ മാറ്റം ഉ​റ​പ്പു​വ​രു​ത്ത​ണം. കോ​വി​ഡ്​ ബാ​ധി​ച്ച രാ​ജ്യ​ങ്ങ​ള്‍ വ​ഴി​യു​ള്ള കണക്ഷൻ വി​മാ​ന​ങ്ങ​ളും സ​മ​യ​ങ്ങ​ളി​ല്‍ മാ​റ്റം വരുത്തുന്നുണ്ട്. അതേസമയം വി​വി​ധ വി​മാ​ന കമ്പനികൾ വ​ഴി ശ​നി​യാ​ഴ്​​ച സ​ന്ദ​ര്‍ശ​ന വി​സ​ക​ളി​ലു​ള്ള​വ​ര്‍ സൗ​ദി​യി​ലെ​ത്തി. ക​ര്‍ശ​ന പ​രി​ശോ​ധ​ന​ക്ക് ശേ​ഷ​മാ​ണ് വിമാനത്താവളത്തിൽ നിന്നും ഓരോരുത്തരെയും പുറത്തുവിട്ടത്.

Also Read

നിപ ബാധിച്ച് ചികിത്സയിലായിരുന്ന 14 കാരൻ മരിച്ചു; മലപ്പുറത്ത് അതീവ ജാഗ്രത

എച്ച്‌3 എന്‍2 വൈറസ് പനി വ്യാപിക്കുന്നുവെന്ന് ഐ.സി.എം.ആര്‍ റിപ്പോര്‍ട്ട്; രാജ്യത്ത് കടുത്ത പനിയ്ക്കും ചുമയ്ക്കും കാരണം ഇന്‍ഫ്ളുവന്‍സ് എ സബ്ടൈപ്പ്, ഡല്‍ഹിയില്‍ വന്‍ വര്‍ദ്ധന

പ്ര​തി​രോ​ധ ന​ട​പ​ടി​ക​ളു​ടെ ഭാ​ഗ​മാ​യി ഏ​ഴ്​ രാ​ജ്യ​ങ്ങ​ളി​ല്‍​നി​ന്ന്​ വ​രു​ന്ന​വ​ര്‍​ക്ക്​ സൗ​ദി അ​റേ​ബ്യ​യു​ടെ ക​ര, നാ​വി​ക, വ്യോ​മ ക​വാ​ട​ങ്ങ​ളി​ല്‍ കർശന പ​രി​ശോ​ധ​ന​യു​ണ്ട്.​​ ചൈ​ന, ​ഹോ​ങ്​​കോ​ങ്, സിം​ഗ​പ്പൂ​ര്‍, ദ​ക്ഷി​ണ കൊ​റി​യ, ഇ​റ്റ​ലി, ജ​പ്പാ​ന്‍, ഇ​റാ​ന്‍ എ​ന്നീ രാ​ജ്യ​ങ്ങ​ളി​ല്‍ നി​ന്നെ​ത്തു​ന്ന​വ​രെ​യാ​ണ്​ വി​മാ​ന​ത്താ​വ​ളം, തു​റ​മു​ഖം, അ​തി​ര്‍​ത്തി ചെ​ക്ക്​​പോ​സ്​​റ്റ്​ തു​ട​ങ്ങി രാ​ജ്യ​ത്തെ മു​ഴു​വ​ന്‍ പ്ര​വേ​ശ​ന ക​വാ​ട​ങ്ങ​ളി​ലും​ മെഡിക്കൽ സംഘം പ​രി​ശോ​ധി​ക്കു​ന്ന​ത്. എന്നാൽ ഇന്ത്യയിൽ നിന്നും മറ്റു രാജ്യങ്ങളിൽ നിന്നും എത്തുന്നവരെ നിരീക്ഷിച്ച ശേഷം വൈദ്യസംഘം വിട്ടയക്കുന്നു.

ഭൂരിപക്ഷം ഗ​ള്‍​ഫ്​ രാ​ജ്യ​​ങ്ങ​ളി​ലും വൈ​റ​സ് ​ ബാ​ധ റി​പ്പോ​ര്‍​ട്ട്​ ചെ​യ്​​ത പ​ശ്ചാ​ത്ത​ല​ത്തി​ല്‍​ ജി.​സി.​സി രാ​ജ്യ​ങ്ങ​ളി​ല്‍ നി​ന്നു​ള്ള​വ​ര്‍​ക്ക്​ മ​ക്ക, മ​ദീ​ന സ​ന്ദ​ര്‍​ശ​ന​ത്തി​നും ​വിലക്കേർപ്പെടുത്തിയിട്ടുണ്ട്. ആ​രോ​ഗ്യ വി​ദ​ഗ്​​ധ​രു​ടെ ശി​പാ​ര്‍​ശ​ക​ളെ തു​ട​ര്‍​ന്നാ​ണി​ത്​. സൗ​ദി​യി​ലെ​ത്തി 14 ദി​വ​സം താ​മ​സിച്ചവരിൽ രോഗലക്ഷണങ്ങളില്ലന്ന് ഉറപ്പുവരുത്തിയവർക്ക്​ മാത്രമാണ് ഇപ്പോൾ ഇളവുള്ളത്.

അതേസമയം വി​ദേ​ശ രാ​ജ്യ​ങ്ങ​ളി​ലുള്ള​ സ്വ​ദേ​ശി​ക​ള്‍ തി​രി​ച്ചെ​ത്ത​ണ​മെ​ന്ന്​ കു​വൈ​ത്ത്​ വി​ദേ​ശ​കാ​ര്യ മ​ന്ത്രാ​ല​യം നേരത്തെ പൗരന്മാർക്ക് നിർദേശം നല്കിട്ടുണ്ട്. ചൈനയിൽ പടർന്നുപിടിച്ച കൊറോണ വൈറസ് (കൊവിഡ്-19) ലോകത്തെ പലരാജ്യങ്ങളിലും റിപ്പോർട്ട് ചെയ്തു വരികയാണ്. ജി.​സി.​സി രാജ്യങ്ങളിലും കൊറോണ ഭീതി പരത്തുനുണ്ട്. അമേരിക്കയിൽ രോഗം സ്ഥിരീകരിച്ചതിനാൽ കർശന നടപടികൾ സ്വീകരിക്കുകയാണ് യൂ.എസ്.

കൊറോണ വൈറസ് ഡിസീസ് എന്നതിൻ്റെ ചുരുക്കപ്പേരാണ് കൊവിഡ് 19, ലോക ആരോഗ്യ സംഘടന (WHO) ണ് പുതിയ പേര് നൽകിയിരിക്കുന്നത്. വിവിധ രാജ്യങ്ങളിൽ വിവിധ പേരുകളിൽ വിളിക്കപെടുന്നതിനാലാണ് പുതിയ പേര് നൽകുന്നതെന്നും ഡബ്ലു.എച്ച്‌.ഒ ഡയറക്ടര്‍ ജനറല്‍ പറഞ്ഞിട്ടുണ്ട്. നിലവിൽ മരുന്നില്ലാത്ത ഈ രോഗത്തിനുള്ള വാക്‌സിന്‍ 18 മാസത്തിനുള്ളില്‍ പുറത്തിറക്കുമെന്ന് സംഘടനാ മേധാവി ടെഡ്രോസ് അദാനം വ്യക്തമാക്കിട്ടുണ്ട്.