കാസർകോട് ജില്ലയില്‍ കോവിഡ് 19 സ്ഥിരീകരിച്ച ആറ് പേരിൽ രണ്ട് സ്ത്രീകളും രണ്ട് വയസുള്ള കുട്ടിയും

കാസർകോട് : ജില്ലയില്‍ ആറു പേര്‍ക്ക് കൂടി കഴിഞ്ഞ ദിവസം കോവിഡ് 19 സ്ഥിരീകരിച്ചിരുന്നു. ഇതില്‍ മൂന്നു പേര്‍ 17 ന് കോവിഡ് പോസിറ്റീവ് സ്ഥിരീകരിച്ച കളനാട് സ്വദേശിയുടെ അടുത്ത ബന്ധുക്കളാണ്. ഇവരില്‍ രണ്ട് സ്ത്രീകളും രണ്ട് വയസുള്ള കുട്ടിയും ഉള്‍പ്പെടുന്നു. ഇവരെ പരിയാരം ഗവ.മെഡിക്കല്‍ കോളേജ് ആശുപത്രിയില്‍ ഐസോലേഷന്‍ വാര്‍ഡില്‍ പ്രവേശിപ്പിച്ചിരിക്കുകയാണ്.

Also Read

ജനങ്ങളുടെ പ്രശ്‌നങ്ങള്‍ പരിഹരിക്കാന്‍ സര്‍ക്കാര്‍ എന്നും ഒപ്പം: മന്ത്രി പി.എ.മുഹമ്മദ് റിയാസ്

കേരളത്തിൽ കോവിഡ് കേസുകൾ വർധിക്കുന്നു; ജാ​ഗ്രതാ നിർദ്ദേശം

17 ന് കോവിഡ് പോസിറ്റീവായ കളനാട് സ്വദേശിയോടൊപ്പം കാറില്‍ സഞ്ചരിച്ച വ്യക്തിയാണ് കോവിഡ് സ്ഥിരീകരിച്ച മറ്റൊരാള്‍. കോവിഡ് സ്ഥിരീകരിച്ച മറ്റ് രണ്ടു പേര്‍ ദുബൈയില്‍ നിന്നും വന്നരാണ്. ഒരാള്‍ക്ക് 52 വയസുണ്ട്. ഇയാള്‍ ഈ മാസം 17 ന് ഷാര്‍ജയില്‍ നിന്ന് കരിപ്പൂര്‍ വിമാനത്താവളത്തിലൂടെയാണ് വന്നത്.

മറ്റൊരാള്‍ക്ക് 27 വയസുമുണ്ട്. ഇയാള്‍ 17 ന് ദുബൈയില്‍ നിന്നും മംഗലാപുരം വിമാനത്താവളം വഴിയാണ് വന്നത്. ഇവരെ കാസര്‍കോട് ജനറല്‍ ആശുപത്രിയില്‍ ഐസോലേഷന്‍ വാര്‍ഡില്‍ പ്രവേശിപ്പിച്ചതായി ഡി.എം.ഒ ഡോ എ.വി രാംദാസ് അറിയിച്ചു .