തദ്ദേശ തെരഞ്ഞെടുപ്പ്: കാസര്‍കോട് ജില്ലയില്‍ കളക്ടര്‍ മദ്യനിരോധനം ഏര്‍പ്പെടുത്തി; ദിവസങ്ങള്‍ അറിയാം

കാസർകോട്: തദ്ദേശസ്വയംഭരണ തെരഞ്ഞെടുപ്പിന്‍റെ വോട്ടെടുപ്പുമായി ബന്ധപ്പെട്ട് ഡിസംബര്‍ 12 വൈകീട്ട് ആറു മുതല്‍ വോട്ടടുപ്പ് അവസാനിക്കുന്നതുവരെയും വോട്ടെണ്ണല്‍ ദിനമായ ഡിസംബര്‍ 16നും കാസര്‍കോട് ജില്ലയില്‍ ജില്ലാ കളക്ടര്‍ ഡോ. ഡി. സജിത് ബാബു മദ്യനിരോധനം ഏര്‍പ്പെടുത്തി.

Also Read

വിദ്യാർത്ഥികളുടെ കൊഴിഞ്ഞുപോക്ക് തടയാൻ സമഗ്ര പദ്ധതി തയ്യാറാക്കും; മന്ത്രി ഒ.ആർ കേളു

ഏക് പേട് മാം കെ നാം ക്യാമ്പയിൻ ജില്ലാകളക്ടർ ഉദ്ഘാടനം ചെയ്തു

ഈ കാലയളവില്‍ മദ്യശാലകള്‍ തുറന്നു പ്രവര്‍ത്തിക്കരുത്. മദ്യം വിതരണം ചെയ്യുകയും വിളമ്പുകയും ചെയ്യുന്ന ഹോട്ടലുകള്‍, റസ്റ്റോറന്റുകള്‍, ക്ലബുകള്‍, മറ്റ് സ്ഥാപനങ്ങള്‍ എന്നിവയും ഈ ദിവസങ്ങളില്‍ തുറന്ന് പ്രവര്‍ത്തിക്കാനോ മദ്യം വിതരണം ചെയ്യാനോ പാടില്ല. പോളിങ് ബൂത്തുകളുടെ പരിധിയിലും മദ്യവിതരണം കര്‍ശനമായി വിലക്കി. ഈ ദിവസങ്ങളില്‍ വ്യക്തികള്‍ മദ്യം കൈവശം കരുതുന്നതിനും നിയന്ത്രണമേര്‍പ്പെടുത്തി.