രമൺ ശ്രീവാസ്തവയുടെയും ജോൺ ബ്രിട്ടാസിന്‍റെയും ഉപദേശ സേവനം മുഖ്യമന്ത്രി അവസാനിപ്പിക്കുന്നു; തീരുമാനം സര്‍ക്കാരിന്‍റെ കാലാവധി തീരാനിരിക്കെ

മുഖ്യമന്ത്രിയുടെ ഉപദേശകരുടെ സേവനം അവസാനിപ്പിക്കുന്നു. പോലീസ് ഉപദേഷ്ടാവ് രമൺ ശ്രീവാസ്തവ, മാധ്യമ ഉപദേഷ്ടാവ് ജോൺ ബ്രിട്ടാസ് എന്നിവരുടെ സേവനമാണ് അവസാനിപ്പിക്കുന്നത്. 2021 മാര്‍ച്ച് 1 മുതല്‍ സേവനം അവസാനിപ്പിച്ചാണ് ഉത്തരവിറക്കിയത്. സര്‍ക്കാരിന്‍റെ കാലാവധി തീരാനിരിക്കെയാണ് സേവനം അവസാനിപ്പിച്ചത്.

Also Read

ബ്രിട്ടാസിൻ്റെ നിലപാട്‌ മലയാളിക്ക്‌ അഭിമാനം; പി.ടി ഉഷയെ ഓർത്ത്‌ ലജ്ജിക്കുന്നു, നാണിച്ച് തല താഴ്‌ത്തേണ്ട സ്ഥിതി: ടി.പത്മനാഭൻ

സര്‍വകലാശാലകള്‍ക്കു പിന്നാലെ കെ-റയില്‍ പദ്ധതിയിലും നിയമന വിവാദം; ജോൺ ബ്രിട്ടാസിൻ്റെ ഭാര്യ കെ-റയില്‍ പദ്ധതിയില്‍ ഡപ്യൂട്ടി ജനറല്‍ മാനേജർ

ജോണ്‍ ബ്രിട്ടാസിന് പ്രിന്‍സിപ്പല്‍ സെക്രട്ടറി പദവിയായിരുന്നു. രമണ്‍ ശ്രീവാസ്തവയ്ക്കാകട്ടെ ചീഫ് സെക്രട്ടറി പദവിയും. 2016 ജൂണിലായിരുന്നു ബ്രിട്ടാസിന്‍റെ നിയമനം. രമണ്‍ ശ്രീവാസ്തവയുടേത് 2017 ഏപ്രിലിലും. പൊതുഭരണ വകുപ്പാണ് ഇരുവരുടെയും സേവനം അവസാനിപ്പിക്കുന്നത് സംബന്ധിച്ച് ഉത്തരവിറക്കിയത്. മറ്റ് ഉപദേശകരുടെ കാര്യം ഉത്തരവില്‍ പരാമര്‍ശിച്ചിട്ടില്ല.