ബാങ്കില്‍ വ്യാജ നോട്ടുകൾ നല്‍കി തട്ടിപ്പിന് ശ്രമം; രണ്ടുപേര്‍ക്കെതിരെ പോലീസ് കേസ്, പ്രതികളെ തിരിച്ചറിഞ്ഞു

ഉദുമ / കാസർകോട്: ബാങ്കില്‍ രണ്ടായിരം രൂപയുടെ വ്യാജ നോട്ടുകള്‍ നല്‍കി തട്ടിപ്പിന് ശ്രമം നടത്തിയതായി പരാതി. 14,000 രൂപ മാറാന്‍ എത്തിയ രണ്ടുപേര്‍ രക്ഷപ്പെട്ടു. ഫെഡറല്‍ ബാങ്കിൻ്റെ ഉദുമ ശാഖയില്‍ വെള്ളിയാഴ്‌ച ഉച്ചയ്ക്കാണ് സംഭവം. രണ്ടുപേര്‍ക്കെതിരെ ബേക്കല്‍ പൊലീസ് കേസെടുത്തു. ഉദുമ സ്വദേശികളായ അശോക് കുമാര്‍, അനൂപ് എന്നിവര്‍ക്കെതിരെയാണ് കേസ്.

Also Read

കോളേജ് വിദ്യാർത്ഥികൾക്ക് ജില്ലാതല പ്രസംഗ മത്സരം സംഘടിപ്പിച്ചു; ഒന്നാം സ്ഥാനം ഫാത്തിമ റിഫ്ദയ്ക്കുംരണ്ടാം സ്ഥാനം കെ.വി അഭിരാമിനും

റാഷിദിൻ്റെ ദുരൂഹ മരണം; കുടുംബത്തിൻ്റെയും ജനങ്ങളുടെയും സംശയം ദൂരീകരിക്കണം; ഉന്നതസംഘം അന്വേഷിക്കണമെന്നും ആവശ്യം; ആക്ഷൻ കമ്മിറ്റി രൂപീകരിച്ചു

ബാങ്ക് മാനേജര്‍ എം.എസ് ദിവ്യയുടെ പരാതിയിലാണ് കേസ്. പഴയ രണ്ടായിരം രൂപ നോട്ട് മാറാനെന്ന വ്യാജേനെയാണ് യുവാക്കള്‍ എത്തിയത്. കളര്‍ ഫോട്ടോസ്റ്റാറ്റ് പോലുള്ളതായിരുന്നു നോട്ടുകള്‍. ബാങ്ക് ജീവനക്കാര്‍ വിവരം മാനേജറെ ധരിപ്പിക്കുന്നതിനിടെയാണ് ഇരുവരും രക്ഷപ്പെട്ടത്. ഇവരുടെ രേഖകള്‍ ബാങ്കില്‍ ഏല്‍പ്പിച്ചതിനാല്‍ പ്രതികളെ തിരിച്ചറിയാനായിട്ടുണ്ട്.