കാസർകോട് നഗരത്തിൽ കർശന പരിശോധന; എം.ഡി.എം.എ മയക്കുമരുന്നും കഞ്ചാവുമായി യുവാവ് അറസ്റ്റില്‍

കാസര്‍കോട്: നഗര പരിസനത്തിൽ നടത്തിയ പരിശോധനയില്‍ 7.374 ഗ്രാം എം.ഡി.എം.എയും 21 ഗ്രാം കഞ്ചാവുമായി യുവാവിനെ അറസ്റ്റ് ചെയ്‌തു. കാസര്‍കോട് എക്‌സൈസ് എന്‍ഫോഴ്‌സ്‌മെന്റ് ആന്റ് ആന്റി നാര്‍ക്കോട്ടിക് സ്‌പെഷ്യല്‍ സ്‌ക്വാഡ് ഓഫീസിലെ എക്‌സൈസ് ഇന്‍സ്‌പെക്ടര്‍ പി.ജി രാധാകൃഷ്ണനും സംഘവുമാണ് മയക്കുമരുന്നുമായി യുവാവിനെ പിടികൂടിയത്.

Also Read

കൊല്ലത്ത് ആറ് വയസുകാരിയെ തട്ടിക്കൊണ്ടു പോയ കേസില്‍ മൂന്നുപേര്‍ പിടിയില്‍; പ്രതികളെ വ്യക്തത വരുത്താൻ പോലീസ് നടപടികൾ ഊർജിതമാക്കി

‘ലഹരി വിമുക്ത കേരളം, ലഹരി വിമുക്ത കാസർഗോഡ്’; സിറ്റി ഗോൾഡ് 25-മത് വാർഷിക ആഘോഷം, പദയാത്ര നടത്തി

അണങ്കൂര്‍ സുല്‍ത്താന്‍ നഗറിലെ അബ്ദുല്‍ഖാദര്‍ (28) ആണ് അറസ്റ്റിലായത്. എക്‌സൈസ് ഇൻ്റെലിജന്‍സ് ആണ്ട് ഇന്‍വെസ്റ്റിഗേഷന്‍ ബ്യൂറോ നല്‍കിയ രഹസ്യ വിവരത്തെ തുടര്‍ന്നായിരുന്നു പരിശോധന.

പ്രിവന്റീവ് ഓഫീസര്‍ സി.കെ അഷ്‌റഫ്, ഐ.ബി പ്രിവന്റീവ് ഓഫീസര്‍ ഇ.കെ ബിജോയ്, സിവില്‍ ഓഫീസര്‍മാരായ എ.സാജന്‍, സി.അജീഷ്, കെ.ആര്‍ പ്രജിത്ത്, സോനു സെബാസ്റ്റ്യന്‍, വനിതാ ഓഫീസര്‍ മെയ്‌മോള്‍ ജോണ്‍, ഡ്രൈവര്‍ ടി.എ ക്രിസ്റ്റിന്‍ എന്നിവരും പരിശോധന സംഘത്തിൽ ഉണ്ടായിരുന്നു.