മുന്നോട്ടെടുത്ത കാറിനടിയില്‍ കുടുങ്ങി ഒന്നര വയസുകാരന്‍ മരിച്ചു; കുട്ടി കാറിനടുത്തേക്ക് ഓടി വരുമ്പോഴാണ് അപകടം

ഉപ്പള / കാസർകോട്: പിതൃസഹോദരന്‍ കാര്‍ മുന്നോട്ട് എടുക്കുന്നതിനിടെ കാറിനടിയില്‍ കുടുങ്ങി ഒന്നര വയസുകാരന്‍ മരിച്ചു. സോങ്കാല്‍ കൊഡങ്ക റോഡിലെ നിസാറിൻ്റെയും തസ്‌രീഫയുടേയും മകന്‍ മാഷിതുല്‍ ജിഷാന്‍ ആണ് മരിച്ചത്.

Also Read

ചരിത്രത്തിൽ ചവുട്ടിനിന്ന ഗതകാല സമര പോരാട്ട സ്‌മരണകൾ സാക്ഷി; കാസർകോട് റവന്യു ജില്ലാ സ്‌കൂൾ കലോത്സവം നിയമസഭാ സ്‌പീക്കർ ഉദ്ഘാടനം ചെയ്‌തു

നടി ആക്രമിക്കപ്പെട്ട കേസ്; ദൃശ്യങ്ങളുടെ മെമ്മറി കാർഡിലെ ഹാഷ് വാല്യു മാറിയതിൽ ഒരു മാസത്തിൽ അന്വേഷണ റിപ്പോർട്ട് നൽകാൻ ഹൈക്കോടതി

ഞായറാഴ്‌ച രാത്രി ഉപ്പളയിലേക്ക് പോകാനായി വീട്ടുകാര്‍ കാര്‍ എടുക്കുന്നതിനിടെ ആണ് അപകടമുണ്ടായത്.

പിതൃസഹോദരന്‍ കാറുമായി ഗേറ്റ് കടന്നുവരുന്നത് കണ്ട് ജിഷാന്‍ കാറിനടുത്തേക്ക് ഓടി വരുന്നതിനിടെ കാറിൻ്റെ മുന്‍ ഭാഗത്ത് കുടുങ്ങുകയായിരുന്നു.

കുട്ടിയുടെ നിലവിളി കേട്ട് പരിസരവാസികളും ബന്ധുക്കളും എത്തുകയും ഉടന്‍ തന്നെ കുട്ടിയെ മംഗളൂരുവിലെ ആശുപത്രിയിലേക്ക് എത്തിക്കുകയുമായിരുന്നു. അപ്പോഴേക്കും മരണപ്പെട്ടിരുന്നു, ജീവൻ രക്ഷിക്കാനായില്ല. അപകടത്തിൽ മഞ്ചേശ്വരം പൊലീസ് കേസെടുത്ത് അന്വേഷണം ആരംഭിച്ചു.