369 മില്യന്‍ പൗണ്ട് ചെലവില്‍ ബക്കിങ്ങാം കൊട്ടാരം നവീകരിക്കുന്നു.

Also Read

നടി ആക്രമിക്കപ്പെട്ട കേസ്; ദൃശ്യങ്ങളുടെ മെമ്മറി കാർഡിലെ ഹാഷ് വാല്യു മാറിയതിൽ ഒരു മാസത്തിൽ അന്വേഷണ റിപ്പോർട്ട് നൽകാൻ ഹൈക്കോടതി

അരങ്ങത്ത് ആത്മഹത്യ ചെയ്‌ത കർഷകൻ; കവിതാ ആലാപനത്തിൽ ദേവിക ഒന്നാമത്; മാപ്പിള പാട്ടിൽ സയന മീത്തൽ

ലണ്ടന്‍: ബ്രിട്ടീഷ് രാജ്ഞിയുടെ ഔദ്യോഗിക വസതിയായ ബക്കിങ്ങാം കൊട്ടാരം നവീകരിക്കുന്നു. 369 മില്യന്‍ പൗണ്ട് മുടക്കിയാണ് കൊട്ടാരം നവീകരിക്കുന്നത്. കാലപ്പഴക്കത്തിലൂടെയുണ്ടാകുന്ന തീപിടിത്ത സാധ്യത ഇല്ലാതാക്കാനും മറ്റു നാശനഷ്ട്ടങ്ങള്‍ ഒഴിവാക്കാനുമാണ് കൊട്ടാരം പുതുക്കി പണിയുന്നത്.

വൈദ്യുതി കേബിളുകളുടെയും ജലവിതരണ പൈപ്പുകളുടെയും മാറ്റം, ബോയിലറുകളുടെയും മറ്റ് ഹീറ്റിങ് സംവിധാനങ്ങളുടെയും നവീകരണം, എയര്‍ കണ്ടീഷനിങ് സംവിധാനങ്ങളുടെ പരിഷ്‌കരണം, മാര്‍ബിളുകളുടെയും ഭിത്തികളുടെയും ഫര്‍ണിച്ചറുകളുടെയം പോളിഷിങ് തുടങ്ങിയവയാണ് പ്രധാനമായും ചെയ്യുന്നത്. 60 വര്‍ഷം മുന്നേയുള്ള സംവിധാനമാണ് കൊട്ടാരത്തില്‍ ഇപ്പോള്‍ നിലവിലുള്ളത്.

നവീകരണപ്രവര്‍ത്തനങ്ങള്‍ കൊട്ടാരത്തിലെ ദൈനംദിന പ്രവര്‍ത്തനങ്ങള്‍ക്ക് തടസ്സമാകിലെന്നാണ് സര്‍ക്കാര്‍ നല്‍കിയ വിശദീകരണം. പ്രധാനമന്ത്രിയും ധനമന്ത്രിയും ഉള്‍പ്പെട്ട റോയല്‍ ട്രസ്റ്റിമാരുടെ യോഗമാണ് കഴിഞ്ഞദിവസം നവീകരണ പ്രവര്‍ത്തനങ്ങള്‍ക്ക് അംഗീകാരം നല്‍കിയത്.