മലയാള സിനിമ അടയാളപ്പെടുത്തിയ സ്വപ്‌നാടനം മുതൽ തുടങ്ങി ഇലവങ്കോട് ദേശം വരെ, മലയാളത്തിന് കെ.ജി ജോർജ് നൽകിയ അനശ്വരമായ 19 സിനിമകൾ

മലയാള സിനിമയ്ക്ക് വ്യത്യസ്തമായ പ്രമേയങ്ങളിലൂടെ 1976 മുതൽ 1998 വരെയുള്ള 22 വർഷങ്ങൾക്കിടയിൽ കെ.ജി ജോർജ് എന്ന സംവിധായകൻ നൽകിയത് വ്യത്യസ്‌ത കാഴ്‌ചാ അനുഭവങ്ങളായിരുന്നു. 1968ൽ കേരള സർ‌വ്വകലാ ശാലയിൽ നിന്ന് ബിരുദവും 1971ൽ പൂനെ ഫിലിം ഇൻസ്റ്റിറ്റ്യൂട്ടിൽ നിന്ന് സിനിമാ സംവിധാനത്തിൽ ഡിപ്ലോമയും നേടിയതിന് ശേഷമാണ് കെ.ജി ജോർജ് മലയാള സിനിമയിലേക്ക് എത്തുന്നത്.

Also Read

കോളേജ് വിദ്യാർത്ഥികൾക്ക് ജില്ലാതല പ്രസംഗ മത്സരം സംഘടിപ്പിച്ചു; ഒന്നാം സ്ഥാനം ഫാത്തിമ റിഫ്ദയ്ക്കുംരണ്ടാം സ്ഥാനം കെ.വി അഭിരാമിനും

റാഷിദിൻ്റെ ദുരൂഹ മരണം; കുടുംബത്തിൻ്റെയും ജനങ്ങളുടെയും സംശയം ദൂരീകരിക്കണം; ഉന്നതസംഘം അന്വേഷിക്കണമെന്നും ആവശ്യം; ആക്ഷൻ കമ്മിറ്റി രൂപീകരിച്ചു

രാമു കാര്യാട്ടിൻ്റെ മായ എന്ന ചിത്രത്തിൽ സംവിധാന സഹായിയായി തുടങ്ങി. മൂന്ന് വർഷം അദ്ദേഹത്തിനൊപ്പം പ്രവർത്തിച്ച ശേഷം സ്വപ്‌നാടനത്തിലൂടെ സ്വതന്ത്ര സംവിധായകനായി. 1975ൽ പുറത്തിറങ്ങിയ ആദ്യ സിനിമ ആ വർഷത്തെ മികച്ച ചിത്രത്തിനും മികച്ച തിരക്കഥയ്ക്കുമുള്ള കേരള സർക്കാർ ചലച്ചിത്ര പുരസ്കാരം നേടി. കൂടാതെ, മികച്ച മലയാള ചലച്ചിത്രത്തിനുള്ള ദേശീയ ചലച്ചിത്ര പുരസ്കാരവും സ്വപ്നാടനം സ്വന്തമാക്കി. ചിത്രത്തിലെ അഭിനയത്തിന് എം.ജി സോമന് മികച്ച രണ്ടാമത്തെ നടനുള്ള അവാർഡും നേടി.

അതുവരെ മലയാളികൾ കകണ്ട് ശീലിച്ച രീതിയിൽ നിന്ന് വ്യത്യസ്തമായിട്ട് ആയിരുന്നു സ്വപ്‌നാടനവുമായി കെ.ജി ജോർജ് എത്തിയത്. സാമ്പത്തിക വിജയത്തിനൊപ്പം നിരൂപ പ്രശംസയും നേടി കെ.ജി ജോർജ് മലയാള സിനിമയുടെ അടയാളമായി മാറി. ഓരോ സിനിമയിലും വ്യത്യസ്ത പ്രമേയങ്ങളുമായി അദ്ദേഹം മലയാളികളേയും ഇന്ത്യൻ സിനിമയേയും അമ്പരപ്പിച്ചു കൊണ്ടേയിരുന്നു.

പി.ജെ. ആൻ്റെണി എഴുതിയ ഒരു ഗ്രാമത്തിൻ്റെ ആത്മാവ് എന്ന നോവലിനെ ആസ്‌പദമാക്കി നിർമ്മിച്ച കോലങ്ങൾ, യവനിക, ലേഖയുടെ മരണം: ഒരു ഫ്ലാഷ്ബാക്ക്, ആദാമിൻ്റെ വാരിയെല്ല്, പഞ്ചവടിപ്പാലം, ഇരകൾ… അങ്ങനെ മലയാളത്തിലെ ക്ലാസിക് സിനിമകളുടെ പട്ടിക നോക്കിയാൽ കെ.ജി ജോർജിൻ്റെ സാന്നിധ്യം തെളിഞ്ഞു കാണാം.

സ്വപ്‌നാടനം -1976 വ്യാമോഹം- 1977 രാപ്പാടികളുടെ ഗാഥ -1978 ഓണപ്പുടവ – 1978 മണ്ണ് – 1978 ഇനി അവൾ ഉറങ്ങട്ടെ – 1978 ഉൾക്കടൽ – 1978 മേള – 1980 കോലങ്ങൾ – 1981 യവനിക – 1982 ലേഖയുടെ മരണം ഒരു ഫ്ലാഷ്ബാക്ക് -1983 ആദാമിൻ്റെ വാരിയെല്ല് – 1983 പഞ്ചവടിപ്പാലം – 1984 ഇരകൾ – 1986 കഥയ്ക്കു പിന്നിൽ – 1987 മറ്റൊരാൾ – 1988 ഈ കണ്ണി കൂടി- 1990 ഒരു യാത്രയുടെ അന്ത്യം -1991 ഇലവങ്കോട് ദേശം -1998.

വെറും 19 സിനിമകളാണ് അദ്ദേഹം സംവിധാനം ചെയ്‌തത്. ഇതിൽ ഒന്നുപോലും സിനിമാ പ്രേമികൾ കാണാതെ പോകാൻ ഇടയില്ല. മലയാള സിനിമയിൽ വിപ്ലവകരമായ മാറ്റങ്ങൾ കൊണ്ടുവന്ന ചിത്രങ്ങളായിരുന്നു ഈ സിനിമകളെല്ലാം.

വ്യവസ്താപിത ചലച്ചിത്ര രൂപങ്ങളോടും സമരസപ്പെടാത്ത അവതരണവും പൊതു നായികാ- നായക സങ്കൽപ്പങ്ങളോട് കലഹിക്കുന്ന അദ്ദേഹത്തിൻ്റെ കഥാപാത്രങ്ങളും മരിക്കാതെ നമ്മുടെ മനസ്സിൽ ഇടംപിടിച്ചിരിക്കുന്നു. രാഷ്ട്രീയ വിമർശനങ്ങളും, സമൂഹത്തിൻ്റെ കപട സദാചാരത്തേയുമെല്ലാം അദ്ദേഹം സൃഷ്ടിച്ച കഥാപാത്രങ്ങളും സിനിമകളും എക്കാലത്തും ചോദ്യം ചെയ്യുന്നു.