ഹെലികോപ്റ്റര്‍ അപകടം: സുരക്ഷാസംവിധാനങ്ങള്‍ ഒരുക്കിയിരുന്നില്ലെന്ന് ആരോപണം .

കര്‍ണാടക: ബംഗലുരുവിലെ രാമനഗരിയില്‍ സിനിമാഷൂട്ടിങ്ങിനിടയിലുണ്ടായ ഹെലികോപ്റ്റര്‍ അപകടത്തില്‍ രണ്ടു സഹ നടന്മാര്‍ മരിച്ചു. കന്നട സിനിമാ നടന്മാരായ അനിലും ഉദയുമാണ്
മരിച്ചത്. ചിത്രത്തിന്റെ ക്ലൈമാക്‌സ് രംഗം ചിത്രീകരിക്കുന്നതിനിടെയാണ് അപകടമുണ്ടായത്. തടാകത്തില്‍ വീണ നായകനടന്‍ ദുനിയാ വിജയ് നീന്തി രക്ഷപ്പെടുകയായിരുന്നു. നായകനോടൊപ്പം വില്ലന്‍ കഥാപാത്രങ്ങളെ അവതരിപ്പിക്കുന്ന അനിലും ഉദയും തടാകത്തിലേയ്ക്ക് എടുത്തു ചാടുന്നതായിരുന്നു രംഗം. ഇതിനായി ദിപ്പനഗൊണ്ടഹളളി എന്ന തടാകത്തിനു മുകളിലായിരുന്നു ചിത്രീകരണം നടന്നു കൊണ്ടിരുന്നത്. തടാകത്തിലേയ്ക്കു ചാടിയ ദുനിയ വിജയ് നീന്തി കരയ്ക്കു കയറിയെങ്കിലും മറ്റു രണ്ടു പേര്‍ക്കും നീന്തിക്കയറാന്‍ കഴിഞ്ഞില്ല. ചിത്രീകരണ സ്ഥലത്ത് ആവശ്യമായ മുന്‍കരുതലുകളോ, സുരക്ഷാസംവിധാനങ്ങളോ  ഒരുക്കിയിരുന്നില്ലെന്ന് ആരോപണമുണ്ട്.

Also Read

കുമ്പളയിലെ കൊലക്കേസ്; യുവാവ് അറസ്റ്റില്‍, പ്രതിയെ കല്ലുകൊണ്ട് തലക്കിടിച്ച് കൊലപ്പെടുത്തി എന്നാണ് കേസ്

യുവാക്കള്‍ മരിച്ചത് കാട്ടുപന്നിക്ക് വെച്ച വൈദ്യുതി കെണിയില്‍; പരിഭ്രാന്തിയില്‍ മൃതദേഹങ്ങള്‍ കുഴിച്ചിട്ടു, സ്ഥലം ഉടമ പോലീസിനോട് കുറ്റം സമ്മതിച്ചു