ഹരിത കേരളം പദ്ധതിക്ക് തുടക്കമായി.

Also Read

മല്ലു ഹിന്ദു ​ഗ്രൂപ്പ് വിവാദത്തിൽ പ്രതികരണവുമായി മന്ത്രി; സസ്പെൻഷൻ നടപടി അവസാനത്തേതല്ലെന്നും പി. രാജീവ്

മുഖ്യമന്ത്രിയുടെ വാഹന വ്യൂഹം ഒന്നിന് പിറകെ ഒന്നായി കൂട്ടിയിടിച്ചു; ഇരുചക്രവാഹന യാത്രക്കാരിയെ രക്ഷിക്കാനുള്ള ശ്രമത്തിനിടെയായിരുന്നു അപകടം

തിരുവനന്തപുരം: സംസ്ഥാന സര്‍ക്കാരിന്റെ ‘ഹരിത കേരളം’ പദ്ധതിയുടെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വ്വഹിച്ചു.  തിരുവനന്തപുരം കൊല്ലായില്‍ പഞ്ചായത്തിലെ കളത്തറക്കല്‍ ഏലായില്‍ വിത്തിറക്കിയാണ് മുഖ്യമന്ത്രി ഹരിത കേരളത്തിന് തുടക്കം കുറിച്ചത്‌. വരും തലമുറക്കായി നാടിന്റെ ഭാവി മുന്നില്‍ കണ്ടുളള പദ്ധതിയാണ് ഹരിതകേരളം മിഷനെന്ന് മുഖ്യമന്ത്രി പറഞ്ഞു. നമ്മുടെ നഷ്ടപ്പെട്ട കാര്‍ഷിക സംസ്‌കൃതി വീണ്ടെടുക്കാനും കേരളത്തെ ഹരിതാഭമാക്കാനുമുള്ള യത്‌നത്തിന്റെ ഭാഗമാണ് ഈ പദ്ധതിയെന്ന് മുഖ്യമന്ത്രി പറഞ്ഞു.

ഹരിത കേരളം മിഷന്റെ ബ്രാന്‍ഡ് അംബാസഡര്‍മാരായ ഗാനഗന്ധര്‍വ്വന്‍ യേശുദാസും പ്രശസ്ത നടി മഞ്ജുവാര്യറും ചടങ്ങില്‍ പങ്കെടുത്തു. സംസ്ഥാനത്തെ വിവിധ ജില്ലാ കേന്ദ്രങ്ങളിലും വാര്‍ഡുകളിലും ഹരിത കേരളം പദ്ധതിക്ക് തുടക്കമായി. കൊച്ചിയില്‍ ജില്ലാ ഭരണകൂടത്തിന്റെ നേതൃത്വത്തില്‍ നടന്ന പരിപാടിയില്‍ നടന്മാരായ മമ്മൂട്ടി, ശ്രീനിവാസന്‍ എന്നിവര്‍ വൃക്ഷത്തൈകള്‍ നട്ടു. വിദ്യാഭ്യാസ മന്ത്രി  പ്രൊഫ.സി. രവീന്ദ്രനാഥാണ്
പരിപാടി ഉദ്ഘാടനം ചെയ്തത്‌. പി.ടി. തോമസ് എം.എല്‍.എ, ഹൈബി ഈഡന്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് ആശ സനല്‍ എന്നിവരും ചടങ്ങില്‍ പങ്കെടുത്തു.