സന്ദര്‍ശകരെയും കാത്ത് ദുബായ് “പാര്‍ക്‌സ് ആന്‍ഡ് റിസോര്‍ട്‌സ്”.

Also Read

കാസർകോട്ടുകാരൻ ലത്തീഫ് ഉപ്പളക്ക് ഒ.സി.സി.ഐ തെരഞ്ഞെടുപ്പില്‍ ജയം; ഒമാന്‍ ചേംബര്‍ ഓഫ് കൊമേഴ്‌സ് ആന്റ് ഇന്‍ഡസ്ട്രീസിൻ്റെ ഗവേണിംഗ് ബോര്‍ഡ് അംഗമായി തിരഞ്ഞെടുക്കപ്പെട്ടതിൽ മലയാളി പ്രവാസികൾക്കും ആവേശം

കാസര്‍കോട്ടെ പ്രവാസിയുടെ കൊലപാതകം: എല്ലാ പ്രതികളെയും തിരിച്ചറിഞ്ഞുവെന്ന് ജില്ലാ പൊലീസ് മേധാവി; ക്വട്ടേഷന്‍ സ്വീകരിച്ച പ്രതിയുടെ വീട്ടില്‍ നിന്ന് നാലര ലക്ഷം രൂപ പിടിച്ചെടുത്തു

ദുബായ്: രാജ്യത്തെ ഏറ്റവും വലിയ തീംപാര്‍ക്ക് സമുച്ചയമായ ‘ദുബായ് പാര്‍ക്‌സ് ആന്‍ഡ് റിസോര്‍ട്‌സ്’ സന്ദര്‍ശകരെ സ്വീകരിക്കുവാന്‍ ഒരുങ്ങി. യു.എ.ഇ.വൈസ് പ്രസിഡന്റും പ്രധാനമന്ത്രിയും ദുബായി ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം ദുബായ് പാര്‍ക്‌സ് ആന്‍ഡ് റിസോര്‍ട്‌സിന്റെ ഔദ്യോഗിക ഉദ്ഘാടനം നിര്‍വഹിച്ചു.

ബോളിവുഡ് പാര്‍ക്‌സ്,ലേഗോലാന്റ്, ഹോളിവുഡ് സിനിമകളെ അധികരിച്ചുള്ള മോഷന്‍ ഗേറ്റ് എന്നീ തീം പാര്‍ക്കുകളും കൃത്രിമ നദിയായ റിവര്‍ലാന്‍ഡും അടങ്ങുന്ന ഏറ്റവും വലിയ തീം പാര്‍ക്കാണിത്.

ക്ഷണിക്കപ്പെട്ട 1500 ഓളം അതിഥികളുടെ സാന്നിദ്ധ്യത്തില്‍ റിവര്‍ലാന്‍ഡ് തീരത്തെ ഫ്രെഞ്ച് വില്ലേജില്‍ നടന്ന വര്‍ണശബളമായ ചടങ്ങിലായിരുന്നു ഉദ്ഘാടനം. മൂന്ന് പാര്‍ക്കുകളെയും കുറിച്ചുള്ള മള്‍ടി മീഡിയ അവതരണമായിരുന്നു പരിപാടിയിലെ മുഖ്യ ആകര്‍ഷണം. മൂന്ന് പാര്‍ക്കുകള്‍ക്കും കൂടി  സന്ദര്‍ശ ഫീസായി 295 ദിര്‍ഹമാണ് ഈടാക്കുന്നത്.