മലയാള സിനിമ ഇല്ലാത്ത ഈ ക്രിസ്മസിന് ആമീര്‍ഖാന്റെ ‘ദങ്കല്‍’ കണ്ട് തൃപ്തിപ്പെടേണ്ടി വരും.

Also Read

അത്താവറിലെ അപ്പാര്‍ട്ടുമെണ്ടില്‍ തീപിടുത്തം; ഒരു സ്ത്രീ മരിച്ചു, പിഞ്ചുകുഞ്ഞ് ഉള്‍പ്പെടെയുള്ളവര്‍ ആശുപത്രിയില്‍

ആറര കോടിയുടെ ആസ്തി, പ്രായം 25; തന്നെ ഞെട്ടിച്ച ഗോസിപ്പിനെ കുറിച്ച് മനസ്സ് തുറന്ന് നടി മമിത ബൈജു

കൊച്ചി: തിയേറ്ററുകളില്‍ ആവേശം പകരാന്‍ പുതിയ മലയാള സിനിമകളില്ലാതെ ക്രിസ്മസ്. പ്രേക്ഷകര്‍ കാത്തിരുന്ന നാലു പ്രധാന സിനിമകള്‍ സിനിമകളുടെ റിലീസ് മുടങ്ങിയത്തോടെ മലയാള സിനിമാമേഖലയ്ക്ക് ഉണ്ടായത് കോടികളുടെ നഷ്ടം.

തിയേറ്റര്‍ വിഹിതം പങ്കിടുന്നതുമായി ബന്ധപ്പെട്ട് തിയേറ്റര്‍ ഉടമകള്‍, നിര്‍മാതാക്കളും വിതരണക്കാരുമായി തുടരുന്ന തര്‍ക്കം ക്രിസ്മസ് ദിനത്തിലും തുടരുകയാണ്. ഇത് സിനിമാ പ്രേമികളെ വളരെ അധികം നിരാശരാക്കി. തിയേറ്ററില്‍ നിന്നുളള വരുമാനം 50-50 അനുപാതത്തിലാക്കണമെന്ന തിയേറ്റര്‍ ഉടമകളുടെ ആവശ്യം നിര്‍മ്മാതാക്കള്‍ അംഗീകരിക്കാതെ വന്നതോടെ ഡിസംബര്‍ 16 മുതല്‍ മലയാളം സിനിമകളുടെ റിലീസ് മുടങ്ങിയിരിക്കുന്നത്. ഈ ക്രിസ്മസിനെ വരവേല്‍ക്കേണ്ടിയിരുന്ന മലയാള സിനിമകളായ ‘ജോമോന്റെ സുവിശേഷങ്ങള്‍’, ‘മുന്തിരിവള്ളികള്‍ തളിര്‍ക്കുമ്പോള്‍’, ‘ഫുക്രി’, ‘ഇസ്ര’ എന്നീ ചിത്രങ്ങളുടെ റിലീസാണ്‌ മുടങ്ങിയിരിക്കുന്നത്.

കഴിഞ്ഞ വെള്ളിയാഴ്ച റിലീസ് ചെയ്യേണ്ടിയിരുന്ന ഈ സിനിമ 3 ദിവസം കൊണ്ട് 7 കോടി രൂപയുടെ നഷ്ടം ഉണ്ടാക്കിയിരിക്കുന്നുവെന്നാണ് പൊതു വിലയിരുത്തല്‍. സമരം മലയാള സിനിമകളെ സാരമായി ബാധിച്ചെങ്കിലും അന്യ ഭാഷാ ചിത്രമായ ആമീര്‍ഖാന്റെ ദങ്കല്‍ കേരളത്തില്‍ നിന്ന് പണം കൊയ്യുന്നുവെന്ന പ്രത്യേകതയും ഈ ക്രിസ്മസിനുണ്ട്. മലയാളം വിട്ടുനിന്നപ്പോള്‍ ആമീര്‍ഖാന്റെ ദങ്കല്‍ കേരളത്തില്‍ നിന്നും 2 ദിവസം കൊണ്ട് വാരിയത് ഒരു കോടിയോളം രൂപയാണ്.