മന്ത്രിക്കെതിരെ പോസ്റ്റിട്ട സര്‍ക്കാര്‍ ജീവനക്കാരനെ സസ്‌പെന്‍ഡ് ചെയ്തു

Also Read

കനത്ത മഴ; കൊല്ലത്ത് മലയോര മേഖലയിൽ രാത്രി യാത്ര നിയന്ത്രണം; തിരുവനന്തപുരം ജില്ലയിൽ വിനോദ സഞ്ചാര മേഖലകളിൽ സന്ദർശകർക്ക് വിലക്ക്

തിരുവനന്തപുരത്ത് ബൈക്ക് ഷോറൂമില്‍ തീപിടിത്തം; കത്തിയമര്‍ന്നത് 32 ബൈക്കുകള്‍ ; തീയണച്ചത് 6 അഗ്നി ശമന യൂണിറ്റുകളുടെ ശ്രമഫലമായി

തിരുവനന്തപുരം: മന്ത്രി മേഴ്സിക്കുട്ടിയമ്മയ്‌ക്കെതിരെ ഫേസ്ബുക്കില്‍ പോസ്റ്റിട്ട സര്‍ക്കാര്‍ ജീവനക്കാരനെ സസ്‌പെന്‍ഡ് ചെയ്തു. നിയമസഭയില്‍ പബ്‌ളിക് അക്കൌണ്ട്‌സ് കമ്മിറ്റി ഓഫീസിലെ അറ്റന്ററായ  നിസാര്‍ പേരൂര്‍ക്കടയെയാണ് സ്പീക്കര്‍ പി.ശ്രീരാമകൃഷ്ണന്‍ പുറത്താക്കിയത്. വി ഡി സതീശന്റെ അടുത്ത അനുയായിയായ ഇയാള്‍ യൂത്ത് കോണ്‍ഗ്രസ് നേതാവുമാണ്. തോട്ടണ്ടി വിവാദത്തില്‍ സതിശന്റെ പക്ഷംചേര്‍ന്ന് മന്ത്രിക്കെതിരെ അസഭ്യ പരാമര്‍ശം നടത്തുകയായിരുന്നു.

കശുവണ്ടി ഇറക്കുമതിയില്‍ അഴിമതി നടത്തിയെന്നാണ് നിസാര്‍ ആരോപിച്ചത്.  ഇതേ ആരോപണം നിയമസഭയില്‍ വി.ഡി സതീശന്‍ എംഎല്‍എയും നടത്തിയിരുന്നു. വിവാദമായതോടെ മന്ത്രിക്കെതിരായ പോസ്റ്റ് പിന്‍വലിക്കുകയും ചെയ്തിരുന്നു. ഫേസ്ബുക്ക് പോസ്റ്റിനെതിരെ പ്രതിഷേധിച്ച് മന്ത്രി മേഴ്സിക്കുട്ടിയമ്മ രംഗത്തെത്തിയിരുന്നു ഇതെ തുടര്‍ന്നാണ് നടപടി.