പുലിമുരുകന്‍ ടീം വീണ്ടുമെത്തുന്നു : മോഹൻലാലിന് പകരം മമ്മുട്ടി.

കൊച്ചി: മലയാള സിനിമാ ചരിത്രത്തില്‍ വന്‍ വിജയം നേടിയിട്ടുള്ള പുലിമുരുകന്‍ ടീം വീണ്ടുമെത്തുന്നു. പക്ഷേ ഇത്തവണ ടോമിച്ചന്‍ മുളകുപാടം നായകനാക്കുന്നത് മലയാളത്തിലെ മഹാനടന്‍ മമ്മൂട്ടിയെ ആണെന്നു മാത്രം. മമ്മൂട്ടിയും പൃഥ്വിരാജും നായകനായ പോക്കിരി രാജയുടെ രണ്ടാം ഭാഗത്തിലാണ് മമ്മൂട്ടിയുമായി പുലിമുരുകന്‍ ടീം എത്തുന്നത്.

 

മമ്മൂട്ടിയുടെ ഹിറ്റുകളില്‍ മുന്‍ നിരയില്‍ നില്‍ക്കുന്ന പോക്കിരിരാജ ഒരുക്കിയതും ടോമിച്ചന്‍ മുളകുപാടമാണ്. വന്‍ ബജറ്റില്‍ ‘രാജ 2’ എന്ന പേരിലാണ് സംവിധായകന്‍ വൈശാഖും കൂട്ടരും പോക്കിരി രാജയുടെ രണ്ടാം ഭാഗമൊരുക്കുന്നത്. പോക്കിരിരാജയ്ക്കു വേണ്ടിയും പുലിമുരുകനു വേണ്ടിയും തിരകഥയൊരുക്കിയ ഉദയ കൃഷ്ണയാണ് ‘രാജ 2’ ന്റെയും തിരകഥ തയ്യാറാക്കുന്നത്.