നോട്ട് നിരോധനം മറയാക്കി വന്‍ലാഭം കൊയ്യുന്ന സംഘം പിടിയില്‍.

കാസര്‍കോട്: നിരോധിച്ച നോട്ടുകളില്‍ കള്ളപ്പണം വെളുപ്പിക്കാന്‍ സഹായിക്കുന്ന സംഘം പിടിയില്‍. നിരോധിച്ച നോട്ടുകള്‍ക്ക് പകരം പുത്തന്‍ നോട്ടുകള്‍ നല്‍കിയാണ് കള്ളപ്പണം വെളുപ്പിക്കുന്നത്. ഇത്തരത്തില്‍ 30 ലക്ഷം രൂപയുടെ നോട്ടുകള്‍ ജില്ലയില്‍ വിതരണം ചെയ്തിട്ടുണ്ടെന്നാണ് പിടിയിലായ പ്രതികള്‍ പോലീസിനോട് പറഞ്ഞത്.

Also Read

ഏകദിന ഹജ്ജ് – ഉംറ ക്ലാസ്സ് സംഘടിപ്പിച്ച് സിറ്റി ഗോൾഡ്

സുൽത്താൻ ഡയമണ്ട്സ് & ഗോൾഡിൻ്റെ വിശ്വ വജ്ര ഡയമണ്ട് എക്സിബിഷൻ കാസർകോട് ഷോറൂമിൽ ആരംഭിച്ചു

ഇടപാടുകാരെ കണ്ടെത്താനായി പ്രത്യേകം ബ്രോക്കര്‍മാരെയും ഇവര്‍ പലസ്ഥലങ്ങളിലായി ചുമതലപ്പെടുത്തിയിട്ടുണ്ട്. കാഞ്ഞങ്ങാട്ടെ ഒരു പ്രമുഖ പഴം വ്യാപാരിയാണ് ഇവര്‍ക്ക് 2000 രൂപയുടെ പുതിയ നോട്ടുകള്‍ കൈമാറുന്നതെന്ന വിവരത്തിന്റെ അടിസ്ഥാനത്തില്‍ വ്യാപാരിയെ വെള്ളിയാഴ്ച്ച തന്നെ അറസ്റ്റു ചെയ്തിരുന്നു. ഇയാളെ പോലീസ് ചോദ്യം ചെയ്ത് വരികയാണ്.

ബാങ്ക് അധികൃതരുടെ സഹായമില്ലാതെ ഇവര്‍ക്ക് ഇത്രയും വലിയ തുക ലഭിക്കില്ലെന്നാണ് പോലീസ് പറയുന്നത്. ഇതേ തുടര്‍ന്ന് ബാങ്കുകളില്‍ ആദായ നികുതി വകുപ്പ് പരിശോധന നടത്തിവരികയാണ്.