നോട്ട് അസാധുവാക്കല്‍: 50 കോടിയുടെ എല്‍.ഐ.സി പോളിസി എടുത്ത് മുംബൈ സ്വദേശി.

Also Read

ഇ.വി.എമ്മില്‍ ബി.ജെ.പി കൃത്രിമം കാണിച്ചു; ആരോപണവുമായി ഗുജറാത്തിൽ കോണ്‍ഗ്രസ് സ്ഥാനാര്‍ത്ഥിയുടെ ആത്മഹത്യാ ശ്രമം

മഞ്ചേശ്വരം ഉപജില്ലാ മത്സരത്തിനിടെ സ്കൂള്‍ ശാസ്ത്ര മേളയുടെ പന്തല്‍ തകര്‍ന്നു; നിരവധി വിദ്യാര്‍ത്ഥികള്‍ക്ക് പരിക്ക്

മുംബൈ: നോട്ട് അസാധുവാക്കല്‍ നടപടി മൂലം വന്‍ നേട്ടം കൊയ്ത് എല്‍.ഐ.സി. നോട്ട് നിരോധനത്തെ തുടര്‍ന്ന് മുംബൈയില്‍ ഒരാള്‍ എടുത്തത് 50 കോടിയുടെ പോളിസി. മുംബൈയില്‍ എല്‍.ഐ.സിയുടെ ദാദര്‍ ബ്രാഞ്ചില്‍ നിന്നാണ് ജീവന്‍ അക്ഷയ് പെന്‍ഷന്‍ പ്ലാനില്‍ 50 കോടിയുടെ പോളിസി എടുത്തത്. മുന്‍പ് ഡിമാന്റ് കുറഞ്ഞ സ്‌കീം ആയിരുന്നു ജീവന്‍ അക്ഷയ് പെന്‍ഷന്‍ പോളിസി. എന്നാല്‍ നോട്ട് പിന്‍വലിക്കലിനെ തുടര്‍ന്ന് ഇതിന് ഡിമാന്റ് വര്‍ദ്ധിച്ചിട്ടുണ്ട്.

നവംബര്‍ മാസത്തില്‍ മാത്രമായി ജീവന്‍ അക്ഷയ് സ്‌കീമില്‍ 8000 കോടി സമാഹരിച്ചുവെന്ന് എല്‍.ഐ.സി എംഡി ഉഷ സംഗ്വാന്‍ അറിയിച്ചിരുന്നു. ഒരു മാസം കൊണ്ട് 104 ശതമാനമാണ് വളര്‍ച്ചയുണ്ടായതെന്നും വാര്‍ഷിക ടാര്‍ജറ്റിന്റെ 70 ശതമാനത്തോളം ഇതിനകം സമാഹരിച്ചു കഴിഞ്ഞെന്നും ഉഷ സംഗ്വാന്‍ വ്യക്തമാക്കി. നോട്ട് പിന്‍വലിക്കലിനെ തുടര്‍ന്ന് സമ്പന്നരായ നിരവധിപേര്‍ പോളിസികള്‍ക്കായി പണം ചിലവഴിക്കുന്നുണ്ട്. പലരും കോടികളുടെ പോളിസികളാണ് എടുക്കുന്നത്. റിയല്‍ എസ്‌റ്റേറ്റ് മേഖലയിലുള്ള ഒരു ബിസിനസ്സുകാരനാണ് 50 കോടിയുടെ ഈ പോളിസി എടുത്തതെന്നാണ് പുറത്തു വന്ന റിപ്പോര്‍ട്ട്.