‘നിര്‍ഭയ’യെ ഓര്‍ക്കുക; ന്യൂഡല്‍ഹി സ്ത്രീപീഡനത്തില്‍ ലോക റെക്കോര്‍ഡിലേക്കോ?

ന്യൂഡല്‍ഹി: ബെംഗളൂരുവിന് പിന്നാലെ രാജ്യതലസ്ഥാനത്തും ലൈംഗികാതിക്രമം. പുതുവര്‍ഷാഘോഷത്തോടനുബന്ധിച്ച് ന്യൂഡല്‍ഹിയിലെ മുഖര്‍ജി നഗറില്‍ വച്ചാണ് സ്‌കൂട്ടറില്‍ സഞ്ചരിച്ച യുവതിയെ ഒരു സംഘം ആളുകള്‍ ആക്രമിച്ചത്. സംഭവത്തിന്റെ വീഡിയോ ദൃശ്യങ്ങള്‍ പുറത്ത് വന്നിട്ടുണ്ട്.

Also Read

ഇ.വി.എമ്മില്‍ ബി.ജെ.പി കൃത്രിമം കാണിച്ചു; ആരോപണവുമായി ഗുജറാത്തിൽ കോണ്‍ഗ്രസ് സ്ഥാനാര്‍ത്ഥിയുടെ ആത്മഹത്യാ ശ്രമം

മഞ്ചേശ്വരം ഉപജില്ലാ മത്സരത്തിനിടെ സ്കൂള്‍ ശാസ്ത്ര മേളയുടെ പന്തല്‍ തകര്‍ന്നു; നിരവധി വിദ്യാര്‍ത്ഥികള്‍ക്ക് പരിക്ക്

യുവതിയെ മാനഭംഗപ്പെടുത്താന്‍ ശ്രമിച്ചവര്‍ പോലീസ് ഉദ്യോഗസ്ഥരെ കൈയ്യേറ്റം ചെയ്തു. ഏതാനും വനിതാ പോലീസ് ഉദ്യോഗസ്ഥര്‍ക്ക് അക്രമത്തില്‍ പരിക്കേറ്റു. മദ്യലഹരിയിലാണ് സംഘം ആക്രമണം നടത്തിയതെന്നാണ് പ്രാഥമിക നിഗമനം. പോലീസ് വാഹനം അടക്കമുള്ളവ അക്രമികള്‍ കേടുവരുത്തി. പ്രദേശത്തെ പോലീസ് എയ്ഡ് പോസ്റ്റിന് തീവച്ചു.

20 ഓളം പേര്‍ ഉള്‍പ്പെട്ട സംഘം സ്‌കൂട്ടര്‍ തടഞ്ഞുനിര്‍ത്തി യുവതിയെ കടന്നുപിടിക്കുകയായിരുന്നു. പോലീസ് ഇടപെട്ട് യുവതിയെ അക്രമികളില്‍നിന്ന് രക്ഷപെടുത്തുകയും രണ്ടുപേരെ പിടികൂടുകയും ചെയ്തു. നിര്‍ഭയയിലൂടെ സ്ത്രീത്വം ചവിട്ടിമെതിച്ച് കശക്കിയെറിഞ്ഞ ന്യൂഡല്‍ഹിയില്‍ സ്ത്രീകള്‍ക്ക് വഴി നടക്കാന്‍ സാധിക്കാത്ത അവസ്ഥ അനുദിനം വര്‍ധിക്കുമ്പോഴും ഭരണകൂടത്തിന് കുലുക്കമേതുമില്ല!.