ദുബൈ വാട്ടര്‍ കനാല്‍ ഇന്നുമുതല്‍ നഗരസഞ്ചാരികള്‍ക്ക് സ്വന്തം.

ദുബൈ: നഗരസഞ്ചാരം കൂടുതല്‍ ആകര്‍ഷകവും പ്രകൃതിസൗഹൃദവുമാക്കാന്‍ ദുബൈ വാട്ടര്‍ കനാല്‍. ഷിന്ദഗയില്‍ നിന്ന് തുടങ്ങി റാസല്‍ഖൂറില്‍ അവസാനിക്കുന്ന പ്രകൃതിദത്ത ജലാശയത്തെ നഗരഹൃദയത്തിലൂടെ നീട്ടി അറേബ്യന്‍ ഉള്‍ക്കടലുമായി ബന്ധിപ്പിച്ചിരുന്നു. കനാലിന്റെ ഉദ്ഘാടനം യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂം ബുധനാഴ്ച നിര്‍വഹിച്ചു.

Also Read

കാസർകോട്ടുകാരൻ ലത്തീഫ് ഉപ്പളക്ക് ഒ.സി.സി.ഐ തെരഞ്ഞെടുപ്പില്‍ ജയം; ഒമാന്‍ ചേംബര്‍ ഓഫ് കൊമേഴ്‌സ് ആന്റ് ഇന്‍ഡസ്ട്രീസിൻ്റെ ഗവേണിംഗ് ബോര്‍ഡ് അംഗമായി തിരഞ്ഞെടുക്കപ്പെട്ടതിൽ മലയാളി പ്രവാസികൾക്കും ആവേശം

കാസര്‍കോട്ടെ പ്രവാസിയുടെ കൊലപാതകം: എല്ലാ പ്രതികളെയും തിരിച്ചറിഞ്ഞുവെന്ന് ജില്ലാ പൊലീസ് മേധാവി; ക്വട്ടേഷന്‍ സ്വീകരിച്ച പ്രതിയുടെ വീട്ടില്‍ നിന്ന് നാലര ലക്ഷം രൂപ പിടിച്ചെടുത്തു

കനാലിന് ഇരുവശത്തുമായി 6.4 കിലോമീറ്റര്‍ നീളത്തില്‍ പുതിയ വാട്ടര്‍ ഫ്രണ്ട് നഗര പ്രദേശവും വികസിപ്പിക്കും. പുതിയ കനാല്‍ വന്നതോടെ ബര്‍ദുബൈ, സബീല്‍, കറാമ, ഊദ് മത്തേ, സത്വ തുടങ്ങി ഓള്‍ഡ് ദുബൈ എന്നറിയിപ്പെടുന്ന പ്രദേശം ഒരു ദ്വീപായി മാറിയിരിക്കുകയാണ്.

മെയ്ഡന്‍ ആന്റ് മെരാസുമായി ചേര്‍ന്ന് 2.7 ദശലക്ഷം ദിര്‍ഹം ചെലവിട്ട് 2013 ഒക്ടോബര്‍ 2 നാണ് റോഡ് ട്രാന്‍സ്പോര്‍ട്ട് അതോറിറ്റി പാതനിര്‍മാണം തുടങ്ങിയത്.

പാലങ്ങളില്‍ എലവേറ്ററുകളും സൈക്കിള്‍ യാത്രികര്‍ക്കായുള്ള വഴികളും ഒരുക്കിയിട്ടുണ്ട്. വിനോദ സഞ്ചാര രംഗത്തും വാണിജ്യമേഖലയിലും മികച്ച കുതിപ്പിന് വഴിവെക്കുന്നതാണ് പുതിയ പാത.