ക്ഷയരോഗ ബാക്ടീരിയ ഇന്ത്യയില്‍ വ്യാപകമാകുന്നതായി പഠനറിപ്പോര്‍ട്ട്.

Also Read

മാനസികാരോഗ്യം ഇപ്പോഴുള്ളതുപോലെ മതിയോ; ശാരീരിക ആരോഗ്യത്തെപ്പോലെ പ്രാധാന്യം അർഹിക്കുന്നു മാനസിക ആരോഗ്യവും

ഫ്രിഡ്‌ജിൽ സൂക്ഷിച്ച്‌ ചോറ് ഉപയോഗിക്കുന്നവര്‍ അറിയാന്‍; നല്ല ഭക്ഷണങ്ങൾ നല്ല ആരോഗ്യം പ്രധാനം ചെയ്യുന്നു

ദില്ലി: ചൈനയില്‍ നിന്നുള്ള ക്ഷയരോഗ ബാക്ടീരിയകള്‍ ഇന്ത്യയില്‍ വ്യാപകമായി കാണുന്നുവെന്ന ഞെട്ടിപ്പിക്കുന്ന പഠനറിപ്പോര്‍ട്ട്. ക്ഷയരോഗം പരത്തുന്ന മൈകോ ബാക്ടീരിയം ട്യൂബര്‍കുലോസിസ് ബാക്ടീരിയകളുടെ ചൈനയില്‍ മാത്രം കാണപ്പെടുന്ന സ്‌ട്രെയിന്‍ (വിഭാഗം) ആണ് ഇപ്പോള്‍ ഇന്ത്യയില്‍ കണ്ടെത്തിയിരിക്കുന്നത്. ദില്ലി ഓള്‍ ഇന്ത്യ മെഡിക്കല്‍ ഇന്‍സ്റ്റിസ്റ്റ്യൂട്ട് ഓഫ് മെഡിക്കല്‍ സയന്‍സസിലെ ഡോക്ടര്‍മാരാണ് ഇക്കാര്യം കണ്ടെത്തിയിരിക്കുന്നത്.
ക്ഷയരോഗത്തിന്റെ കാര്യത്തില്‍ ഇന്ത്യ ഇപ്പോള്‍ തന്നെ വലിയ പ്രതിസന്ധി നേരിട്ടുകൊണ്ടിരിക്കുകയാണ്.

മരുന്ന് പ്രതിരോധ ശേഷി നേടിയ ക്ഷയരോഗ ബാക്ടീരിയകളും ഇന്ത്യയില്‍ അധികമാണ്. 2015 ലെ കണക്ക് പ്രകാരം മരുന്ന് പ്രതിരോധമുള്ള 4,80,000 ക്ഷയരോഗികള്‍ ലോകത്തുണ്ട്.  ഇതിൽ പകുതിയോളം  ഇന്ത്യ, ചൈന, റഷ്യ എന്നീ രാജ്യങ്ങളിലാണ് ഉള്ളത്. ചൈനയില്‍ നിന്നുള്ള ബക്ടീരിയ സ്‌ട്രെയിന്‍ ഇന്ത്യയില്‍ കണ്ടെത്തിയ സംഭവം ഭീതി പരത്തുന്നതാണ്. പ്രതിദിനം 5000 പേരാണ് ലോകത്തില്‍ ക്ഷയരോഗത്തെത്തുടര്‍ന്ന് മരണപ്പെടുന്നത്. ഇന്ത്യയില്‍ 1400 പേര്‍ ഓരോ ദിവസവും ക്ഷയരോഗം ബാധിച്ച് മരിക്കുന്നുണ്ടെന്നാണ് കണക്കുകള്‍ വ്യക്തമാക്കുന്നത്.