കൊല്ലപ്പെട്ട ഇന്ത്യന്‍ സൈനികന്റെ തലയറുത്തിട്ടില്ലെന്ന വാദത്തോടെ പാകിസ്ഥാൻ.

ഇസ്ലാമാബാദ്: നിയന്ത്രണ രേഖക്ക് സമീപം മാച്ചില്‍ സെക്ടറില്‍ ചൊവ്വാഴ്ച നടന്ന ആക്രമണത്തില്‍ കൊല്ലപ്പെട്ട മൂന്ന് ഇന്ത്യന്‍ സൈനികരില്‍ രാജസ്ഥാനിലെ ഖിര്‍ ജംഖാസ് സ്വദേശി പ്രഭു സിങ് (25) ന്റെ മൃതദേഹമാണ് വികൃതമാക്കിയത്. എന്നാല്‍ കൊല്ലപ്പെട്ട ഇന്ത്യന്‍ സൈനികന്റെ തലയറുത്തിട്ടില്ലെന്നും പാകിസ്ഥാനെ അപകീര്‍ത്തിപ്പെടുത്താനാണ് ഇത്തരം വാര്‍ത്തകള്‍ നല്‍കുന്നതെന്നും പാക് വിദേശ മന്ത്രാലയ വക്താവ് നഫീസ് സകരിയ ട്വീറ്ററിലൂടെ ആരോപിച്ചു.

Also Read

ഇ.വി.എമ്മില്‍ ബി.ജെ.പി കൃത്രിമം കാണിച്ചു; ആരോപണവുമായി ഗുജറാത്തിൽ കോണ്‍ഗ്രസ് സ്ഥാനാര്‍ത്ഥിയുടെ ആത്മഹത്യാ ശ്രമം

മഞ്ചേശ്വരം ഉപജില്ലാ മത്സരത്തിനിടെ സ്കൂള്‍ ശാസ്ത്ര മേളയുടെ പന്തല്‍ തകര്‍ന്നു; നിരവധി വിദ്യാര്‍ത്ഥികള്‍ക്ക് പരിക്ക്

ഒരു മാസത്തിനിടെ രണ്ടാം തവണയാണ് പാകിസ്ഥാന്‍ കൊല്ലപ്പെട്ട ഇന്ത്യന്‍ സൈനികരുടെ തലയറുക്കുന്നത്. ഭീരുത്വം നിറഞ്ഞ പാക് സൈന്യത്തിന്റെ ഈ നടപടിക്ക് ശക്തമായ തിരിച്ചടി നല്‍കുമെന്ന് ഇന്ത്യന്‍ സൈന്യം വ്യക്തമാക്കിയതിന് തൊട്ടുപിന്നാലെയാണ് വാര്‍ത്ത നിഷേധിച്ച് പാക് വിദേശമന്ത്രാലയം രംഗത്ത് എത്തിയിരിക്കുന്നത്.